2018年2月26日 星期一

七味椒鹽雞蛋豆腐




突然好想食椒鹽豆腐 , 喜歡椒鹽豆腐外脆內軟的口感 , 以往我會買包布豆腐整椒鹽豆腐 , 不過而家不會買了 , 大家有睇開袁太廚房的朋友仔們 , 應該估到袁太會用咩豆腐整喇 , 當然係自家製的雞蛋豆腐 ......



袁太閒時就好喜歡整雞蛋豆腐 , 自己整豆腐健康無添加 , 而且雞蛋豆腐變化多端 , 除左好似今次咁用作做椒鹽外 , 雞蛋豆腐仲可以用作做涼拌 , 用來煮湯咩都得 , 好方便 , 之但係自己整豆腐就一定要好小心 , 一定要好輕手 , 唔係d豆腐就會爛晒 , 另外今次的椒鹽豆腐中的主要材料 ~炸蒜~ , 本應我係想自己用蒜頭炸 , 不過都係個句~懶~ , 同時又驚自己會炸到燶晒 , 所以都係保險d , 買現成炸蒜好



呢款椒鹽豆腐用作做小食得 , 拌粥食又得 , 當作一個小菜都得呢 ^^



材料 : 無糖豆漿 , 雞蛋 , 蔥 , 紅椒 , 鹽 , 糖 , 生粉 , 七味粉 , 味椒鹽 , 胡椒粉 , 隔篩 , 保鮮紙 , 炸蒜




三隻雞蛋打入碗中 , 加入鹽及無糖豆漿拌勻 , 器皿放上保鮮紙 , 將豆漿蛋液用篩網隔去多餘泡沫及雜質 , 先放入蒸鍋內蓋上蓋蒸2分鐘 , 蒸25分鐘 , 用筷子將鑊蓋留縫隙(可避免蒸來的豆腐過老或變火山口)







 









期間將紅椒去籽切粒 , 蔥切粒 , 蒸好的雞蛋豆腐靜待10分鐘後切粒 , 放入器皿內加入冰水浸過面10分鐘 , 再瀝乾水份










每件豆腐粒沾上薄薄一層生粉 , 放入鑊中以半煎方式 , 用筷子輕輕拌一拌勻豆腐粒以免黏埋一團 , 用慢火慢慢炸至硬身及微黃色 , 盛起靜待10分鐘 , 再放入鑊中用中火將豆腐粒炸成金黃色 , 盛起備用












將炸蒜粒及紅椒粒放入鑊中先用中火爆香 , 再加入蔥粒及胡椒粉調味拌勻 , 將豆腐回鑊 , 加少許椒鹽快手拌勻 , 上碟時灑上七味粉即可
















材料
無糖豆漿300ml , 雞蛋3隻 , 蔥 , 紅椒1條 , 鹽 , 糖 , 生粉 , 七味粉 , 味椒鹽 , 胡椒粉 , 隔篩 , 保鮮紙 , 炸蒜



做法
1. 三隻雞蛋打入碗中 , 加入鹽及無糖豆漿拌勻 

2. 器皿放上保鮮紙 , 將豆漿蛋液用篩網隔去多餘泡沫及雜質 

3. 先放入蒸鍋內蓋上蓋蒸2分鐘 

4. 蒸25分鐘 , 用筷子將鑊蓋留縫隙(可避免蒸來的豆腐過老或變火山口)

5. 期間將紅椒去籽切粒 , 蔥切粒 

6. 蒸好的雞蛋豆腐靜待10分鐘後切粒 , 放入器皿內加入冰水浸過面10分鐘

7. 再瀝乾水份

8. 每件豆腐粒沾上薄薄一層生粉 

9. 放入鑊中以半煎方式 , 用筷子輕輕拌一拌勻豆腐粒以免黏埋一團 

10. 用慢火慢慢炸至硬身及微黃色 , 盛起靜待10分鐘

11. 再放入鑊中用中火將豆腐粒炸成金黃色 , 再盛起備用

12. 將炸蒜粒及紅椒粒放入鑊中先用中火爆香 , 再加入蔥粒及胡椒粉調味拌勻 

13. 將豆腐回鑊 , 加少許椒鹽快手拌勻 , 上碟時灑上七味粉即可 




金金黃黃 , 外脆內軟滑的雞蛋豆腐 , 顏色靚靚 , 味道又香噴噴 , 可食到唔停口呢 ^^





20 則留言:

  1. 自製豆腐,好健康

    回覆刪除
  2. 粒粒都金金黃黃,而且加入七味粉同椒鹽,好惹味

    回覆刪除
  3. 呢個我好鐘意呀,因為我鐘意食豆腐

    回覆刪除
  4. 自己整豆腐好好呀

    回覆刪除
  5. 袁太好鐘意整雞蛋豆腐呢

    回覆刪除
  6. 回覆
    1. 而且細細粒的豆腐,食多多都唔怕呢

      刪除