2018年3月25日 星期日

香蕉蛋糕




某日 , 有人俾左幾隻香蕉袁太 , 起初只想簡單用來當飯果 , 不過放左幾日後 , 見餘下的兩隻香蕉已經熟透 , 其實袁太唔太喜歡食熟到爛的香蕉 , 所以 ......



就決定將咁熟 , 出晒黑點的香蕉用來做袁太至愛之一的香蕉蛋糕 , 以往曾經係街買過一次香蕉蛋糕 , 不過味道簡直甜到嘔 , 食少少已經唔想食 , 如果自己整一定要控制甜度 , 將糖份減半 , 如果整得甜 , 一定又會俾袁生投訴 , 又投訴我整咁甜既野 , 一定會攪到佢糖尿病



其實整呢個香蕉蛋糕都好容易 , 將香蕉壓蓉 , 其他材料放入大碗內拌勻就可以拎去焗 , 焗大約40分鐘就食得 , 一路焗的時候 , 成間屋散發香噴噴的香蕉味 , 不過可惜今次只有兩隻熟香蕉 , 只可以焗得一底蛋糕 , 係最美中不足的地方 , 而呢個蛋糕就奉獻俾袁太媽咪 , 拎去工作的地方同朋友仔一齊分享 , 希望大家都喜歡呢款香蕉蛋糕的味道呢 ^^



材料 : 熟到爛的香蕉 , 雞蛋 , 麵粉 , 雲呢拿油 , 砂糖 , 牛奶 , 蘇打粉 , 鹽 , 刮刀 , 牛油 , 錫紙盆 , 隔篩




香蕉去皮切片放入大碗內 , 加入牛油拌勻成蓉 , 盛起備用 , 雞蛋打入大碗內 , 逐一加入砂糖 , 鹽 , 牛奶及雲呢拿油拌勻 , 再篩入麵粉及蘇打粉 , 用刮刀拌勻至冇粉粒 , 加入香蕉蓉再拌勻





















將蛋糕糊倒入錫紙焗盆內 , 焗爐用180C預熱10分鐘 , 將錫紙盆放在焗盆上 , 再加入熱水至半滿








放入焗爐中間位置 , 用150C上下火焗30分鐘 , 見蛋糕經已脹起 , 取出將蛋糕放上焗爐最低層 , 轉用200C上火焗多10分鐘 , 取出靜待10分鐘後將蛋糕取出切件即可











材料
熟到爛的香蕉2隻 , 雞蛋2隻 , 麵粉200g , 雲呢拿油 , 砂糖130g , 牛奶1/2杯 , 蘇打粉1茶匙 , 鹽 , 刮刀 , 牛油20g , 錫紙盆2個 , 隔篩



做法
1. 香蕉去皮切片放入大碗內 , 加入牛油拌勻成蓉 , 盛起備用

2. 雞蛋打入大碗內 , 逐一加入砂糖 , 鹽 , 牛奶及雲呢拿油拌勻 

3. 再篩入麵粉及蘇打粉 , 用刮刀拌勻至冇粉粒 

4. 加入香蕉蓉再拌勻

5. 將蛋糕糊倒入錫紙焗盆內 , 焗爐用180C預熱10分鐘 

6. 將錫紙盆放在焗盆上 , 再加入熱水至半滿

7. 放入焗爐中間位置 , 用150C上下火焗30分鐘

8. 見蛋糕經已脹起 , 取出將蛋糕放上焗爐最低層 , 轉用200C上火焗多10分鐘 

9. 取出靜待10分鐘後將蛋糕取出切件即可 




雖然整蛋糕絕對唔係袁太的強行 , 不過今次的香蕉蛋糕我非常滿意呢 ^^




20 則留言:

  1. 好正,我都喜歡吃香蕉蛋糕。

    回覆刪除
  2. 正呀~用香蕉做一定好香好甜~!

    回覆刪除
  3. 香蕉蛋糕正喎

    回覆刪除
  4. 依個真係好簡單又好味, 連手殘既肥人都整過呀!

    回覆刪除
  5. 香濃的蕉味,正

    回覆刪除
  6. 香蕉如當生果我唔食,整蛋糕我就會食呢

    回覆刪除
    回覆
    1. 連我自己都唔知點解,就咁食香蕉我會嘔,但已煮左的香蕉我又事喎

      刪除
  7. 最啱做早餐,再配杯咖啡

    回覆刪除
    回覆
    1. 咖啡我就唔啱,俾我就蛋糕配熱朱古力呢

      刪除