2018年3月26日 星期一

雜菇炆伊麵




每當袁太唔知晚餐煮咩好的時候 , 例牌問袁生 , 佢個獨弧一味的答案 ~是但喇~ , 我真係好鬼憎呢個答案 , 是但即係咩呢 , 成日都講是但 , 但煮好又話唔啱食 , 好Q乞人憎 ......



所以每次袁生一講是但 , 我就會保險D煮佢比較鐘意食 , 而我又唔抗拒的食物 , 今次選擇左佢~伊麵~ , 其實我平時好少會煮伊麵 , 因為我住呢邊的街市得一千零一間係賣粉麵 , 有時想買伊麵都唔係咁容易



我亦知袁生比較鐘意魚香茄子炆伊麵 , 不過我就鐘意用菇菇炆多D , 既然佢話是但 , 咁就一於用我鐘意的材料同做法去烹調 , 菇菇我會用上草菇 , 秀珍菇同本菇三種 , 再加上椰菜同韭黃做副料 , 做個雜菇伊麵好簡單 , 全程都唔駛30分鐘就有得食 , 當開餐的時候 , 袁生真係同我講 , 點解唔用茄子或者XO醬去整 , 同點解唔用銀芽要用韭黃 , 個一刻我只係講 , 你話是但嗎 , 我咪是但選擇用咩材料去整囉 , 大不了你可以唔食架 , 點知個麻煩友冇聲出 , 係咁食冇停過口呢 ^^



材料 : 乾伊麵 , 草菇 , 秀珍菇 , 本菇 , 椰菜 , 韭黃 , 酒 , 鹽 , 糖 , 胡椒粉 , 水 , 芫茜(裝飾可省略)




韭黃切段 , 用水沖一沖洗及瀝乾 , 將所以菇菇用水沖洗乾淨 , 草菇切片 , 本菇切去尾部 , 大塊的秀珍菇切細塊 , 椰菜切絲 , 伊麵放入水中用中火拌勻煮至散 , 先盛起備用














將椰菜放入鑊中加少許鹽及水拌勻 , 蓋上蓋用中火煮3分鐘至椰菜軟身 , 先盛起 , 原鑊放入雜菇 , 贊少許酒拌勻炒數分鐘至微軟及有香味 , 加入伊麵及調味料拌勻炒至上色 , 最後將椰菜回鑊 , 及加入韭黃拌勻炒數分鐘即可

























材料
乾伊麵2個 , 草菇 , 秀珍菇 , 本菇1包 , 椰菜1個 , 韭黃$5 , 酒 , 鹽 , 糖 , 胡椒粉 , 水1/2杯 , 芫茜(裝飾可省略)

調味料
素蠔油 , 生抽 , 老抽 , 糖 , 胡椒粉



做法
1. 韭黃切段 , 用水沖一沖洗及瀝乾 

2. 將所以菇菇用水沖洗乾淨 , 草菇切片 , 本菇切去尾部 , 大塊的秀珍菇切細塊 

3. 椰菜切絲 

4. 伊麵放入水中用中火拌勻煮至散 , 先盛起備用

5. 將椰菜放入鑊中加少許鹽及水拌勻 , 蓋上蓋用中火煮3分鐘至椰菜軟身 , 先盛起 

6. 原鑊放入雜菇 , 贊少許酒拌勻炒數分鐘至微軟及有香味

7. 加入伊麵及調味料拌勻炒至上色 

8. 最後將椰菜回鑊 , 及加入韭黃拌勻炒數分鐘即可 




做法簡單的雜菇炆伊麵 , 雖然整左大大碟 , 但兩個人都唔係好夠食呢 ^^





20 則留言:

  1. 回覆
    1. 都貴架,而且一定冇咁多配料呢

      刪除
  2. 我鐘意食菇,呢個啱我食

    回覆刪除
  3. 伊麵好吸油,不過好好味

    回覆刪除
  4. 伊麵好邪惡,但每次見到都好想食架~~用雜菌配就平衡番啦:)

    回覆刪除
  5. 伊麵我唔係咁啱食

    回覆刪除
    回覆
    1. 都算係,總感覺伊麵一pat pat咁囉

      刪除
    2. 有時街食的伊麵又真係一patpat咁,好似用油浸咁

      刪除