2018年3月29日 星期四

八寶素春卷




袁太前幾日感覺開始有少許喉嚨痛 , 但轉頭又想整炸物 , 皆因俾我係冰箱找到包春卷皮 , 大家都知 , 袁生袁太無時無刻都喜愛食煎炸物 , 當咬落去脆卜卜的感覺令人覺得好滿足 ......



不過話雖如此 , 煎炸物都唔可以經常食 , 因我係一個好容易熱氣 , 好容易生痱滋的人 , 何況呢幾日喉嚨又作怪 , 但又忍唔到口 , 真犯賤 , 還是說回主題吧 , 以前想食春卷 , 首選當然去超市買現成回來開鑊炸或煎就可以 , ~好鬼方便~ , 不過感覺越來越唔好吃 , 所以好幾年前已開始選擇自己動手包 , 自己一手一腳包春卷絕對唔困難 , 而且可以自己配搭不同材料 , 絕對可以千變萬化



往日包春卷我一定會落肉 , 但現在 ...... 我會比較喜愛用素材料 , 今次用八樣材料作餡料 , 包成八寶素春卷 , 其實大部份都係百寶箱(雪櫃)的剩餘物資 , 有半個芋頭 , 1個椰菜 , 少少木耳絲 , 1條甘旬 , 半扎粉絲 , 廚房例牌有冬菇 , 只要去街市買豆乾 , 銀芽就可以 , 今次包左24條 , 唔需要好多時間 , 已經清晒落肚 , 袁生都食左好多條 , 一路食一路讚好味 , 仲話唔落肉的春卷好味好多呢 ^^



材料 : 春卷皮 , 芋頭 , 甘旬 , 木耳絲 , 粉絲 , 冬菇(預先浸軟) , 冬菇水 , 豆乾 , 銀芽 , 椰菜 , 鹽 , 糖 , 麵粉 , 錫紙 , 胡椒粉




銀芽放入煲內 , 加水蓋過面用中火拌勻煮滾 , 盛起銀芽用水沖一沖洗及瀝乾 , 冬菇切片 , 豆乾切條 , 甘旬去皮切幼條 , 芋頭去皮切幼條 , 椰菜切絲












燒紅鑊 , 將椰菜絲及甘旬落鑊炒香 , 加少許鹽及水拌勻 , 蓋上蓋用中火煮5分鐘至軟身 , 盛起備用 , 粉絲用水浸至軟身 , 用水沖一沖洗及瀝乾














鑊中加入冬菇絲 , 豆乾條爆至有香味 , 加入芋頭條及木耳絲拌勻 , 再加以前盛起的甘旬 , 椰菜絲回鑊 , 加入調味料 , 冬菇水及1杯水份量拌勻 , 蓋上蓋用中火煮5分鐘至汁料收乾 


















最後加入銀芽及粉絲拌勻 , 盛起放在錫紙上靜待20分鐘至涼 , 期間將春卷皮分成一塊塊 , 麵粉加少許水拌勻 , 平放春卷皮 , 將餡料放在較下方位置 , 先卷起 , 不要太緊 , 摺起一邊再卷 , 再摺另一邊再卷起 , 最上方沾上麵粉糊 , 再卷封口 , 鑊中加入油燒熱 , 將春卷放入鑊中 , 用慢火慢慢煎至兩面金黃色即可



















材料
春卷皮1包 , 芋頭1/2個 , 甘旬1條 , 木耳絲 , 粉絲 , 冬菇6隻(預先浸軟) , 冬菇水 , 豆乾2塊 , 銀芽$3 , 椰菜1個 , 鹽 , 糖 , 麵粉 , 錫紙 , 胡椒粉

調味料
生抽 , 老抽 , 糖 , 酒 , 生粉 



做法
1. 銀芽放入煲內 , 加水蓋過面用中火拌勻煮滾 , 盛起銀芽用水沖一沖洗及瀝乾 

2. 冬菇切片 , 豆乾切條 , 甘旬去皮切幼條 

3. 芋頭去皮切幼條 , 椰菜切絲 

4. 燒紅鑊 , 將椰菜絲及甘旬落鑊炒香 , 加少許鹽及水拌勻 

5. 蓋上蓋用中火煮5分鐘至軟身 , 盛起備用 

6. 粉絲用水浸至軟身 , 用水沖一沖洗及瀝乾

7. 鑊中加入冬菇絲 , 豆乾條爆至有香味 , 加入芋頭條及木耳絲拌勻 

8. 再加以前盛起的甘旬 , 椰菜絲回鑊 

9. 加入調味料 , 冬菇水及1杯水份量拌勻 , 蓋上蓋用中火煮5分鐘至汁料收乾 

10. 最後加入銀芽及粉絲拌勻 

11. 盛起放在錫紙上靜待20分鐘至涼 

12. 期間將春卷皮分成一塊塊 , 麵粉加少許水拌勻 

13. 平放春卷皮 , 將餡料放在較下方位置 , 先卷起 , 不要太緊 

14. 摺起一邊再卷 , 再摺另一邊再卷起 , 最上方沾上麵粉糊 , 再卷封口 

15. 鑊中加入油燒熱 , 將春卷放入鑊中 , 用慢火慢慢煎至兩面金黃色即可 





金金黃黃脆卜卜的素春卷 , 無論當茶點 , 宵夜 , 派對小食或晚餐加餸都好適合呢 ^^





24 則留言:

  1. 豐富餡料,金金黃黃脆卜卜,想食呀

    回覆刪除
  2. 好足料呀~見到都想食呢~!

    回覆刪除
  3. 足料春卷呀,我都愛冇肉春卷架

    回覆刪除
    回覆
    1. 有肉的春卷我反而覺得唔好味

      刪除
  4. 我都鐘意沙律醬拌食

    回覆刪除
  5. 足料都咁,點會唔好味喎

    回覆刪除