2018年5月7日 星期一

奶皇西米糕




袁生最近趕圖 , 晚晚都畫到夜一夜先訓 , 佢每當夜訓就一定要食宵夜 , 佢的宵夜好大範圍 , 有時零食 , 有時杯麵 , 不過呢排佢唔知最咩 , 宵夜想食甜野 , 不過好彩廚房咩都有 , 隨時都可以整甜野 , 我知袁生鐘意食奶皇 , 就決定整奶皇餡的甜點俾佢做宵夜 ......



之不過整奶皇餡又要煮杰身 , 又要待涼 , 又要雪 , 又要整西米湖 , 又要蒸 , 雖然感覺唔太繁複 , 不過都要用上幾粒鐘時間 , 所以要一早整定 , 到時袁生就可以用來做宵夜



今次一整就整左16個西米糕 , 用上蛋撻模整 , 個個都靚靚仔仔 , 靚仔都唔捨得食 , 不過當日未到宵夜時段已經俾我地食左幾個 , 真係好鬼好味 , 下次要試下整紅豆餡先 , 甜點袁太永遠都係鐘意紅豆餡多d呢 ^^



材料 : 西米 , 鮮奶 , 馬蹄粉 , 淡奶 , 吉士粉 , 油 , 雞蛋 , 牛油 , 糖 , 麵粉 , 蛋撻模 , 水 , 掃




雞蛋打入大碗內 , 加入吉士粉 , 麵粉 , 100ml鮮奶拌勻至冇粉粒 , 煲內放入45g砂糖 , 牛油 , 花奶及餘下的150ml鮮奶拌勻 , 用中火煮至牛油溶化 , 加入之前的雞蛋吉士糊 , 用慢火一路拌勻一路慢慢煮至杰身 , 盛起待涼20分鐘再放入冰箱冷藏1小時
























西米放入煲內 , 加水蓋過面拌一拌勻 , 用中火煮滾後再拌一拌勻西米以免黏底 , 熄火蓋上蓋焗20分鐘 , 將西米隔水倒在隔篩內 , 用水沖洗雜質 , 瀝乾水份加冰水浸過面靜待10分鐘














馬蹄粉 , 30g砂糖 , 水及少許油拌勻至冇粉粒 , 浸10分鐘的西米瀝乾水份放入大碗內 , 加入馬蹄水拌勻 , 奶皇餡1小時後從冰箱取出拌一拌勻













蛋撻模掃上油 , 先放西米糊至一半滿 , 放入奶皇餡 , 再放入西米糊至全滿 , 放入電蒸鍋內蓋上蓋蒸10分鐘 , 蒸好待20分鐘至涼

















待涼期間繼續將西米糕放入電蒸鍋蓋上蓋蒸10分鐘 , 將待涼的西米糕用竹簽起出 , 逐一將其餘的西米糊放入蛋撐模至一半滿 , 放入奶皇餡 , 再放入西米糊至全滿 , 放入電蒸鍋內蓋上蓋蒸10分鐘 , 再待涼起出直至西米糊用完即可





















材料
西米100g , 鮮奶1支 , 馬蹄粉70g , 淡奶50ml , 吉士粉2湯匙 , 油 , 雞蛋1隻 , 牛油 , 糖45g+30g , 麵粉2湯匙 , 蛋撻模 , 水70ml , 掃



做法
1. 雞蛋打入大碗內 , 加入吉士粉 , 麵粉 , 100ml鮮奶拌勻至冇粉粒 

2. 煲內放入45g砂糖 , 牛油 , 花奶及餘下的150ml鮮奶拌勻 

3. 用中火煮至牛油溶化 , 加入之前的雞蛋吉士糊 , 用慢火一路拌勻一路慢慢煮至杰身 

4. 盛起待涼20分鐘再放入冰箱冷藏1小時

5. 西米放入煲內 , 加水蓋過面拌一拌勻 

6. 用中火煮滾後再拌一拌勻西米以免黏底 , 熄火蓋上蓋焗20分鐘 

7. 將西米隔水倒在隔篩內 , 用水沖洗雜質 , 瀝乾水份加冰水浸過面靜待10分鐘

8. 馬蹄粉 , 30g砂糖 , 水及少許油拌勻至冇粉粒 

9. 浸10分鐘的西米瀝乾水份放入大碗內 , 加入馬蹄水拌勻 

10. 奶皇餡1小時後從冰箱取出拌一拌勻

11. 蛋撻模掃上油 , 先放西米糊至一半滿 , 放入奶皇餡 , 再放入西米糊至全滿 

12. 放入電蒸鍋內蓋上蓋蒸10分鐘 

13. 蒸好待20分鐘至涼

14. 待涼期間繼續將西米糕放入電蒸鍋蓋上蓋蒸10分鐘 

15. 將待涼的西米糕用竹簽起出 

16. 逐一將其餘的西米糊放入蛋撐模至一半滿 , 放入奶皇餡 , 再放入西米糊至全滿 

17. 放入電蒸鍋內蓋上蓋蒸10分鐘 , 再待涼起出直至西米糊用完即可




皇餡甜度適中 , 外層的西米又煙煙勒勒 , 靚靚仔仔的奶皇西米糕 , 有冇朋友仔想試下呢 ^^









20 則留言:

  1. 真係好靚!細細個好吸引~~

    回覆刪除
  2. 好靚呀,奶皇餡我都鐘意

    回覆刪除
    回覆
    1. 奶皇餡係唔錯,不過我都係比較鐘意紅豆餡呢

      刪除
  3. 呢個真係好吸引

    回覆刪除
  4. 嘩…自己整奶皇餡好吸引

    回覆刪除
  5. 回覆
    1. 妳好呀,牛油的份量只用少少,大約1湯匙咁上下呢

      刪除