南瓜椰汁西米露

好耐冇煲糖水喇!
今日突然心血來潮想食南瓜糖水,
橫掂見屋企仲有西米,
咁不如整南瓜椰汁西米露喇!不過老公好似唔食南瓜個喎!
唉...
有益的食物就唔食,冇益的就不停食,
所以袁太明知袁生係唔食南瓜的,
所以今次的糖水袁太只煲左好少份量,
自己食算喇!
冇預袁生個份!



~南瓜椰汁西米露~食譜

材料 :
南瓜-半個 / 椰汁(細)-1罐 / 西米-1碗 / 水 , 冰糖 - 適
量

 1.西米先用清水浸約30分鐘,取出,瀝乾水份備用.
 2.南瓜去皮取肉,切粒,備用.
 
 3.煲內放入適量的水,待滾後加入西米,用中火煮約5分鐘或至西米透明.
 4.再加入南瓜粒及冰糖,煮約南瓜軟身後加椰汁拌勻,即可.