袁太發覺有不少Blog友upgrade左個blog,
其實係咪一定要upgrade
如果可以選擇的話,
袁太會選擇唔up,
因為我覺得upgrade左之後好似好難睇,
又或者可能睇慣左呢個版本掛,
所以最好就可以唔upgrade喇!
好喇!講番今日個串燒先,
其實係用豬扒整架!
因為前幾日整洋蔥豬扒的時候,
用剩左幾塊豬扒,
咁就將佢地切粒,然後拎去焗爐焗,
再加埋係東南亞材料舖買的沙爹羔,
呢隻沙爹羔袁生袁太覺得好好味,
有沙爹味,又有少少辣,正...
不過呢隻豬扒煎就好味,
但用黎焗就有少少硬,不過都唔差,
下次d豬扒都係整番洋蔥豬扒算喇!
整串燒都係用梅頭豬肉好d!
袁生袁太推介係東南亞材料舖買的沙爹羔
~沙爹串燒豬肉~食譜
材料 : 豬扒-3塊 / 沙爹羔-半磚 / 竹籤-8枝
醃料 : 生抽 , 糖 , 鹽 , 生粉 , 麻油 - 少許
醃料 : 生抽 , 糖 , 鹽 , 生粉 , 麻油 - 少許
2.焗爐用200C預熱10分鐘.
3.將醃好的豬肉粒用竹籤串起.
4.在焗盤上鋪上錫紙,再放上豬肉串燒.
5.放入已預熱焗爐用200C焗12分鐘後,反轉再焗多10分鐘.
6.半磚的沙爹羔加入適量暖水攪勻後,淋上豬肉串燒上,即可.
沒有留言:
張貼留言