瑤柱上湯蝦米浸菜心

袁太平時一得閒就會番屋企同爹o地,媽咪飲茶,
嘆下一盅兩件,
飲完茶必然會番屋企坐下,
睇下媽咪個兩隻龜仔,
上次番屋企,
媽咪話係街市買左2斤菜心,
問我要唔要攞d番屋企喎!
無所謂喇!但我攞半斤就夠喇!
因為我平時都係買半斤,
兩個人食飯,唔會食好多!

平時煮菜心通常都係炒,
但今次就用浸的方法去做,
就用史x生的瑤柱上湯去整,
再加埋蝦米一齊煮,
本來係想用杞子架!
但原來包杞子之前已經用晒喇!
而菜心吸收左上湯的味道,
好好味!
連袁生都好鐘意!
等我下次買番包杞子,
再用杞子整多次先!



~瑤柱上湯蝦米浸菜心~食譜

材料 :菜心-半斤 / 蝦米-適量 / 瑤柱上湯-1盒

 1.蝦米浸水30分鐘,菜心洗淨,備用.
2.燒紅鑊(不落油),下蝦米炒香後,撈起.

3.鑊中加入瑤柱上湯,煮滾後放入蝦米煮5分鐘.
4.下菜心落鑊煮至腍身後,即可.