烏頭真係由細食到大,
不過媽咪次次都係整凍食的,
雖然袁太覺得凍食都唔錯,
但如果自己整的話,
梗係用蒸的方法就最方便喇!
不過其實袁太自己未整過烏頭架!
因為驚袁生唔鍾意食,
所以咪冇整過囉!
咁點解袁太今日又會整烏頭,
其實一早諗住買條魚黎晚餐,
但去到街市都唔知買咩魚好,
又唔想食黎食去都係個幾款魚,
無意中隱隱約約見到有烏頭,
咁就買左一條喇!都係$20,
而袁太蒸魚的方法,
一般都係用豉汁蒸,
不過上次蒸桂花魚的時候加左少少果皮,
發覺原來用果皮蒸魚係好好味架!
所以今次蒸烏頭都加左少少果皮落去,
都係一樣咁好味!
同埋袁生原來好鍾意食架!
~豉汁果皮蒸鳥頭~食譜
1.果皮浸洗刮去瓤,切絲備用.
2.碟上放少許薑片,蔥段備用.
3.將烏頭洗乾淨,放上碟的蔥段上面.
4.在烏頭上放上適量的蒜蓉豆豉醬,果皮絲,薑片.
5.燒滾水,用大火隔水蒸10分鐘後,熄火贊少許熟油,灑上蔥粒,即可.
沒有留言:
張貼留言