梅菜冬菇粒蒸肉餅

點解袁太今日會整肉餅?

好簡單,因為袁生話想食肉餅囉!
但整肉餅的材料就俾袁太決定喎!
如果俾我決定的話,
一定唔會用鹹蛋,
因為成日食,所以就用左袁太鐘意食的梅菜,
再加埋冬菇,簡直好味都暈,
不過雖然話就話俾袁太決定,
但決定左後都要同袁生講番聲,
袁生話OK,
袁太先可以街市買材料番屋企!

其實袁太以前一定會買現成豬肉碎整就算,
但真係唔好食,
肉餅永遠都係自己剁先最好食,
就算剁到隻手殘廢都要剁,
好似講到嚴重左d,
不過今次醃得鹹左少少,
連袁生食得鹹既,都話好鹹!




~梅菜冬菇粒蒸肉餅~食譜

材料 : 梅頭瘦肉(半肥瘦)-$20 / 甜梅菜-1棵 / 冬菇-4隻

                      醃料 : 生抽 , 老抽 , 鹽 , 糖 , 生粉 , 麻油 - 適量
 

 

1.冬菇浸軟切粒備用.
 
2.甜梅菜浸水,瀝乾水份後切碎.
3.豬肉剁碎後,加入醃料醃30分鐘.
 
4.將所有材料撈勻後放在碟上.
5.用大火隔水蒸20分鐘即可.