2011年10月21日 星期五
獨自去尖沙咀...
袁太今日放假,
就一個人專登出去尖沙咀行下,
其實袁太去尖沙咀係有目的既,
就係想去買排卵捧同埋雞油菌喇!
因為上網有人話過個間龍城藥房clearblue排卵捧$220蚊咋,
實在太平喇!
屈記都要成差唔多三百蚊,
不過d人話唔係成日有貨喎!
好彩袁太今日去到有貨,真係$220/7支,
仲有一支驗孕捧送添!
就即刻買左一盒,
另外仲買埋一樽凡士林潤膚膏,都係$15,
因為袁太d皮膚有時會好癢,個嘴又成日乾,
所以買定一樽放係屋企看門口!
然後經過印尼餐廳,
因為袁太奶奶係印尼華僑,
成日都會去呢間餐廳食野,
食完一定會去餐廳門口買糕點,
個到d糕點好好味架,
今日難得經過,又買左少少番屋企,
然後又經過伯伯推車仔個檔口立濕,
又買左幾包...
好喇!最後一站就係去citysuper睇雞油菌喇!
因為袁太見好多blog友都話用雞油菌炒蛋好好食架,
所以想去買黎試下,
嘩...去到真係見到有雞油菌,
但好貴呀!$68得個28g,
所以袁太就打消左個念頭,
費時買左番去俾袁生鬧,
都係下次同袁生去尖沙咀行街街先再去睇過喇!
可能同袁生一齊行,袁生會俾我買呢,
行完citysuper終於可以搭車番屋企,
計埋車程,袁太足足出左去3個鐘,
真係好累呀!估唔到出一出就買左咁多野...
訂閱:
張貼留言 (Atom)
老行家官燕蘋果玫瑰果醬食譜 ~蘋果果醬麵包卷~
繼續同大家分享老行家品牌官燕果醬禮盒食譜 , 繼續分享蘋果玫瑰果醬 , 之前就用來製作雞扒 , 美味滿分兼袁生相當滿意後 , 今次就用來配上白方包製作甜點 , 用來作下午茶就最適合 , 而且材料同製作亦非常簡單 ......
-
某日我家袁生話好熱 , 冇咩胃口想食白粥 , 我當然唔會say no , 煲個靚白粥佢嘆 , 之不過袁太又點會只係煲白粥俾袁生呢 , 一於整個滷水俾佢配白粥 , 其實點解我會整滷水 , 好簡單 , 皆因袁生喜愛 ......
-
今日天氣真係好凍,大風之餘再加落雨 ,真係凍到我DD震囉 ,不過好好彩我今日放假 ,可以留在家休息休息 ,每逢天氣涼的時候 ,第一時間會整火鍋做晚餐 ,不過我今次選擇整羊腩煲 ,因為街市已經開始有羊腩賣了 ,急不及待買左一磅半回家
我有時一出去入乾貨就成日冇左﹐返到屋企仲要執~~~
回覆刪除[版主回覆10/22/2011 21:08:59]我平時同袁生一齊出去都唔會買咁多野,但自己出街就失晒控,一定會買好多野食番屋企,成日都俾袁生鬧做咩買咁多野食,真係銀包多多錢都唔夠用...哈...