記得上年袁太結婚之後話要去睇中醫調理身體,
但拖下拖下結左婚年幾都未去睇,
唉...點解會咁架!
究竟呢一年我忙d咩呢?
袁太媽咪實在睇唔過眼,
因為成日話想生bb之前梗係睇中醫先喇!
袁太見前幾日得閒,
終於的起心肝去睇中醫,
一次煲左3杯藥,
當袁太攞藥的時候,
嘩...唔駛咁大杯呀!
未飲落肚都知一定苦,
梗係問藥房個呀姐俾多幾粒陳皮梅同埋山渣喇!
番到屋企之後,
袁生就梗係叫袁太乖乖地飲左杯藥佢喇!
嘩...真係好苦喎,
想收買人命咩!
飲完呢3杯之後,
星期日又要再去睇,
唔知到時又幾多杯藥呢?
苦口良藥呀...為生BB做好準備...調理一下啦...加油...
回覆刪除[版主回覆12/08/2011 14:59:00]係呀!所以幾苦都要頂硬上,我會加油架喇!