又係時候upload下個blog喇
雖然呢D食譜係手術前，即係袁太未需要戒口的時候煮落既
希望大家唔好介意^v^
好喇，唔好講埋D無聊野，係時侯入番正題
袁太平時羊肉，羊腩就煮得多，但羊膝好似未曾整過喎
經過凍肉店見到有羊膝
咩都唔諗買左1條，諗住簡簡單單用黑椒香草焗
剛巧袁生打電話俾我
問袁太會煮什麼做晚餐
我話今晚有羊膝食，請問滿唔滿意呢
點知袁生話如果條羊膝大條的話，咁唔駛煮飯都得喇
話雖如此，但唔煮飯又驚唔夠飽
所以又係時候攪攪新意思
經過A1麵包店，見到半條丹麥包
咁就不如整麵包盒，又好味，又夠飽
將羊膝焗完後再加入白汁一齊煮
放入麵包內，麵包沾上白汁一齊食，簡直好味到不得了
就連袁生都大讚好味
不過可惜袁太而家暫時唔可以食羊肉
想再ENCORE都唔得，可憐"慘...慘..."
做法好簡單 : 焗爐用180C預熱10分鐘，羊膝加入適量黑椒，香草醃30分鐘將羊滕放入焗爐用180C焗30分鐘，取出待涼後撕成絲備用
材料(白汁) : 牛奶<700ml>，牛油<30g>，麵粉<2湯匙>，鹽<少許>做法 : 牛奶放入鑊中用慢火煮至有氣泡後，加入牛油拌勻
將約3湯匙的牛奶加入麵粉拌勻，拌勻好後倒回鑊中，最後加入少許鹽拌勻待涼即成白汁
最後步驟，將白汁同羊膝肉拌勻用慢火煮約10分鐘，盛起放入麵包盒內
再放入焗爐用160C焗約5分鐘，取出灑上少許香草即可
最後步驟，將白汁同羊膝肉拌勻用慢火煮約10分鐘，盛起放入麵包盒內
再放入焗爐用160C焗約5分鐘，取出灑上少許香草即可
歡迎你~~ 你而家覺點呀, 傷口埋得好唔好? 有冇野需要戒口架?
回覆刪除一定要乖乖地, 小心自己呀~
D羊骨髓都好好味架...D羊肉好味, D麵包吸哂D汁更更好味~~~~~~
[版主回覆01/20/2013 15:23:47]等我下次覆診的時候,問下醫生先
[寧靜中的不寧靜回覆01/19/2013 07:06:16]搞到我好想知添......
[版主回覆01/18/2013 21:17:18]豬羊都可以食,醫生冇俾藥我食呀,其實我都唔知點解醃製食物唔可以食,不過醫生指明唔食得,就一定有佢的原因,所以我都冇問點解!
[寧靜中的不寧靜回覆01/18/2013 07:29:14]即係豬羊可以食?
可以問一下醫生, 可唔可以開止痕藥, 又或者其他方法...
不過真係估唔到醃製類食物唔吃得....點解既?
[版主回覆01/17/2013 23:26:40]而家身體都尚算OK,不過有一個傷口有少少發炎,同埋傷口好鬼痕,有好多野要戒口呀,例如:牛,雞,雞蛋,海鮮,醃製類食物(臘腸,潤腸,咸魚等等)都唔食得住,我咁鐘意食野,而家咁多野唔食得,攪到我餐餐食唔飽,好易就肚餓,一個字講晒"慘",係呀,白汁同麵包一齊食,真係好味到暈架!
羊肉我唔岩...
回覆刪除[MR.MOON回覆01/18/2013 22:23:35]係勁怕...
[版主回覆01/18/2013 21:18:11]我記得妳好似怕羶,係咪???
老公唔食羊....呢個餸同我無緣lu~
回覆刪除[大肥人回覆01/21/2013 16:44:07]YES....HAHAH~
[版主回覆01/21/2013 16:24:20]原來真係有好多人係唔食羊,咁妳老公係咪因為怕羶呀???