至於我屋企個位袁生就完全沒有呢個煩惱，講真，大家一齊左咁多年，起初拍拖頭兩三年都會送下禮物仔，但拍拖時間越耐，袁太就覺得唔需要咁刻意係呢個日子送禮物
何況我係一個唔鐘意收花，唔鐘意係街拎住扎花周圍行的人，只要大家相處開心就可以，我係咪好易滿足呢，好喇，適逢今日係情人節，袁太想係Blog平台同大家分享我同袁生的感情事，希望唔會悶親大家
**************************************************************
係1999年某一日袁生袁太初次見面，當時袁生唔知係咪已經對我動心呢，隔幾日就對我展開追求，當時只有十幾歲的我諗左幾分鐘就應承做袁生的女朋友，可能因為恨拍拖掛
當時亦都冇諗過會同袁生拍咁多年拖，仲結埋婚添，其實拍拖十幾年裡面都嘈過唔少交，甚至有幾次仲分埋手，不過隔幾日又好自然係番埋一齊，漸漸就覺得對方已經係自己生活的其中一部份，唔見面唔慣，唔傾電話唔慣，唔一齊食飯又唔慣，總知就大鑊
**************************************************************
到左2001年拍拖兩年幾，同袁生行街街經過寵物店，就毫不猶疑買左當時只有三個月的狗仔回家，就係而家11歲的BB，BB三個月大的時候係咪好可愛呢
到2007年因為BB做完手術要照顧的關係，袁生袁太就開始同居的生活，袁太成日聽人講，如果男女朋友同居就好快分手，因為住埋一齊之後，大家的生活習慣一定有唔同，但我又覺得冇咩問題發生喎，反而好享受同居的感覺
**************************************************************
但同居時間耐又會諗結婚，話晒都一齊左十幾年，事問有邊個女仔唔想結婚呢，適逢2010年有個好日子，所以我們就決定結婚，決定結婚的時候，到定埋婚期
其實只有半年時間籌備，但都好彩，有好多人俾意見同幫我手
婚禮終於係2010年10月10日(十全十美)的日子同袁生結束11年愛情長跑成為夫婦
**************************************************************
大家睇完以上文章有冇訓著左呢 ???
雖然袁生袁太的愛情唔屬於刻骨銘心，但我好慶幸搵到袁生呢個好老公 !
好sweet!祝你地永遠幸福快樂.心想事成.身体健康!日日都係情人節咁甜蜜
回覆刪除[版主回覆02/16/2013 22:37:00]我都祝妳一家健健康康,心想事成!
我都係一個完全唔鍾意收花既人.......太浪費啦.....擺0係度唔知做乜....不過我鍾意望.....鈴蘭呀, 風信子, 繡球花, 滿天星...
回覆刪除D花錢要黎食哂佢好過...又或者送飾物.....,簡簡單單0係屋企食餐飯都好夠....
個心心cushion好靚~
[版主回覆02/16/2013 22:38:43]一度情人節的花真係貴都想死,根本買唔落手,我都覺得錢用黎食好過,禮物都唔需要架喇,只要簡簡單單食餐飯,我就心滿意足lu!
14年的事, 一篇文講晒, 勁
回覆刪除[版主回覆02/16/2013 22:39:49]如果唔省略,14年咁長時間,真係有排講架!
wa....14年......好勁~
回覆刪除[版主回覆02/16/2013 22:40:21]我都覺得自己好勁
你就好啦, 可以搵到呢個日子結婚, 善慕
回覆刪除[版主回覆02/17/2013 21:31:35]其實都搵左好多地方先有呢個日子,所以我都覺得好好彩!
SO SWEET...
回覆刪除[版主回覆02/22/2013 22:11:18]