呢個食譜係問媽咪攞的
,
因為有一日我番屋企食飯,
媽咪整黎做餸,
我覺得好好食,
可能我本身都鐘意食牛仔骨,
不過我就覺得乾左少少,
冇咩汁!
後來幾日,去超市買左牛仔骨諗住做晚餐,
但唔知點整好
忽然醒起媽咪上次整的牛仔骨,
即刻打俾媽咪問下個食譜先,
不過我唔想就咁煎,
所以就加埋金菇一齊煮喇!
~金菇煮牛仔骨~食譜
材料 : 牛仔骨-1包 / 金菇-1包
醃料 : 黑椒粒 , 雞粉 , 生抽 , 老抽 , 水 - 少許
獻汁 : 生抽 , 生粉 , 酒 , 胡椒粉 , 水 - 少許
1.金菇洗淨切尾備用.
2.將牛仔骨解凍後切件加入醃料醃1小時.
.
3.燒紅鑊,將已醃好的牛仔骨落鑊煎至兩面熟透,撈起備用.
4.再燒紅鑊,將金菇落鑊炒香後,拌入獻汁煮滾,將牛仔骨回鑊兜勻,即可.
沒有留言:
張貼留言