袁生好鐘意食呢個煎蝦餅架,
袁太記得好幾年前,
係書局睇免費書的時候,
袁太每次去親書局都淨係會睇食譜書架咋,
無意中見到本書介紹呢個煎蝦餅,
心諗袁生咁鐘意食海鮮,
應該幾啱袁生食,
於是就去街市買材料喇,
其實整呢個蝦餅都幾簡單架,
只要將材料撈勻就ok喇,
不過最估唔到就係以前第一次整俾袁生食,
袁生已經好鐘意喇,
其實都唔知點解佢會咁鐘意食,
相反袁太就覺得麻麻地,
不過袁太見好耐冇整過,
其實係因為袁太諗唔到煮咩姐,
不過冇所謂喇!
只要袁生鐘意,袁太就會去整!
材料 : 蝦仁-10-12隻 / 豬肉-(紋碎$10) / 蛋白-1隻
1.將蝦仁去腸,洗淨,拍成蝦膠.
2.用碗將蝦膠,豬肉拌勻.
3.拌勻後再加入蛋白,生粉,少許胡椒粉,生抽,蔥花.
4.燒紅鑊,煎至兩面金黃色,即可.
我都好愛蝦餅....唔理食完會生粒粒..一樣"擦"哂......因為蝦膠好正....一次食好多隻蝦落肚嘛...又香口....我明袁生點解咁愛......我有次去0係出面食蝦餅既時候, 佢上埋 "酸甜醬"~~好正, 超開胃~!
回覆刪除[版主回覆01/10/2012 16:22:55]係喎,點解我諗唔到既呢?下次再整過!
[寧靜中的不寧靜回覆01/10/2012 07:57:35]哈, 咁用隻小碟裝d醬, 你有你點, 袁生可以食純味蝦餅~ 滿足哂你地既要求~yeah
[版主回覆01/09/2012 10:46:46]酸甜醬,正喎,點解我諗唔到既?不過袁生唔鐘意酸味味的野架!
香口野岩哂我地...不過...真係有蝦食不得...
回覆刪除[版主回覆01/09/2012 10:46:53]係喎,蝦屬於海鮮喎!