蛋白杏仁茶

平時袁太對杏仁呢樣野冇咩好感

因為唔鐘意杏仁個味道

但反而袁生就好鐘意杏仁，所以袁太諗住煲糖水食

第一時間就諗下不如整杏仁茶喇

雖然袁太唔太鐘意，但起碼袁生一定唔會投訴先

所以就決定上網search下做法

就咁睇其實都唔係太難姐，拿拿臨去買材料

原來整的過程真係幾容易

個晚袁生沖完涼出黎就見到有碗熱辣辣的糖水

一聞就知道係杏仁茶

平時袁生唔係太好甜野，所以就煲左好少份量

點知今次的杏仁茶，袁生飲完一碗後，居然話好味，仲問我廚房仲有冇添

吓~~識左袁生咁耐

每次食糖水都唔會添加

不過袁太依然都係唔係咁鐘意杏仁

食左幾啖就唔想食，淨左半碗袁生都食埋

所以袁生總共食左兩碗半咁多，真係賞面。

~蛋白杏仁茶~





材料:
龍皇杏 ------ 4兩
北杏 ------ 1兩
蛋白 ------ 1隻
冰糖 ------ 適量
水 ------ 4碗


做法:

<1>龍皇杏，北杏洗淨用水浸4小時，棄水備用。













<2>將2碗水份量分次與杏仁同放入攪拌機中磨成杏仁漿，篩走渣只留杏仁汁。

<3>再將2碗水份量與杏仁渣分次磨多兩次步驟，再隔渣。

<4>杏仁汁用慢木煲滾後加入冰糖煮至完全溶解。

<5>慢慢加入已打發的蛋白，攪勻後熄火蓋上蓋焗5分鐘即可。