休blog幾日

袁太今日要用大家講聲"Sorry"

因為最近腰背又開始痛，其實大大話話都痛左幾個月

雖然只係偶然會痛，但一痛就一發不可收拾

前日終於頂唔順去睇醫生

估唔到醫生講到鬼死咁嚴重，話有機會可能係退化

退化 ??? 唔係呀，人地得個三十歲，會唔會快左D呀 ??

醫生話而家好多病痛都年輕化，有D十幾歲已經開始

所以袁太呢個年齡有，其實一D都唔出奇

醫生例牌都係開止痛藥，消炎藥個類

仲有寫左張照X光紙俾我

叫我可以去照下，初時袁太諗住食左藥睇下點先再算

點知真係唔食好過食，食完藥仲痛D

而家真係企又痛，座又痛，就連訓都痛，簡直叫晒救命

睇黎真係照下會放心D

所以袁太決定暫休Blog幾日，休息下先

等腰背冇咁痛，好番少少的時候

我會拿拿臨upload番D食譜

因為我驚休息得太耐，大家會唔記得左我 !

一鱔兩味(附炒鱔糊,黃鱔飯食譜)

呢幾日天氣持續寒冷
 
買黃鱔做晚餐都係一個唔錯的選擇

而且黃鱔好有益，有補虛助力，補五臟的功效

同埋黃鱔係一樣好補的食物，補血，活血又滋陰

對我地女性就最好喇

而黃鱔亦都對虛弱，面黃有好好的調補作用

袁太經常周身病痛，又面黃黃

咁黃鱔對我咪好有益囉，咁我真係要食多D先得喇

不過唔知袁生食唔食黃鱔呢

食完之後唔知會唔會成個身暖晒呢 ???

旺角@丼丼屋

袁生前幾日去旺角電腦中心買野，問袁太出唔出去搵佢，梗係去喇 

橫掂我都想去旺角買化妝品兼買香蕉糕，當大家都買完自己想買的東西之後 

袁生問我想去邊度食，我第一時間就話想去丼丼屋，因為之前係屋企上網的時候

發覺丼丼屋評語就唔錯，何況袁生又俾我話事去邊度食 

好喇 ! 一於去丼丼屋進發，嘩 ... 點知一上到去簡直超多人

都要等成十幾個號碼先到，不過好彩都好快有枱，仲要係一張單獨的二人枱

實在太好喇，可以靜靜地同袁生傾下計食下野 

不過由於只得兩個人去食，所以就唔係食得太多野，不過D食物又真係幾好味 !
 
下次一定要再encore先得 !

睇Meau

袁生(菠蘿汁)，袁太(烏龍茶)

燒玉子卷，好味道 !

袁生的"特選海鮮丼"

見袁生係咁落豉油，食咁鹹做乜Q !

袁太的"滑蛋雞肉丼"，雞肉好嫩滑，滑蛋超"正"