聖誕節蛋糕~香蕉蛋糕拌乳酪雪糕藍莓

剛剛過去的聖誕節

除左整聖誕大餐外，當然唔少得蛋糕的出場喇

而袁太所選擇的蛋糕就係我至愛的香蕉蛋糕

另外配埋乳酪雪糕 + 藍莓

濃濃的香蕉味，再加上清新雪糕

同埋藍莓的酸甜味，味道簡直超夾，初時仲諗住袁生一定唔太喜愛

因為袁生平時都唔太愛香蕉架

但估唔到袁生居然讚好，仲食左好多落肚添

袁太都淨係食左少少咋

最攪笑係食晒之後，袁生問我廚房仲有冇香蕉蛋糕

我今日焗左兩個，有一個俾左媽咪，所以 ... 冇喇 "Sorry"

2012聖誕大餐 <附西蘭花忌廉湯 , 香草煎羊扒拌蒜鹽焗薯角 , 芝士龍蝦意粉食譜>

咁多位Blog友，袁太同大家講聲"Merry Christmas" 大家平安夜同聖誕節去左邊到玩呢 ???

袁太就同袁生下午去左行街街，行左一陣就番屋企煮大餐，初時袁生點都唔俾我煮，但俾我係佢耳邊依依哦哦都有30分鐘之後，袁生就無奈答應了，而袁太當時係到諗，聖誕節梗係要整西式晚餐

但無奈袁太而家暫時唔食得牛同雞，所以唯有打羊扒的主意，而袁生就一向鐘意芝士同Parma Ham，所以就選擇左用黎做頭盤，另外就整多個芝士龍蝦意粉，西式湯方面整左"西蘭花忌廉湯"袁生仲問我做咩整咁多，兩個人邊食得晒，但好意外居然可以清晒所有食物，真係好滿足，~呀~最重要BB都有聖誕晚餐，就係"吞拿魚雞肉貝殼粉"，雖然簡簡單單，但BB都不知食得幾開心 !

喜愛曬太陽的BB

我家老狗BB由細到大都好鐘意曬太陽，一有太陽的位置，就一支箭咁訓係太陽射入屋的地方，唔通係BB角度，訓係太陽到會好舒服 ???

 

前幾日天氣都幾涼，可以話根本冇陽光，直至昨日，終於有陽光射入屋，袁太見有陽光，就拿拿臨洗床單，被套等等... 而BB發現自己張床有陽光的影子，就即刻訓左係度，唔駛5分鐘就已經訓著左，仲扯埋鼻鼾添，唔知屋企有養狗的朋友們，小狗會唔會有扯鼻鼾的習慣呢 ???

BB就天氣一凍訓覺就會有鼻鼾聲，D聲有時真係大到可以嘈醒我地，唔知大家覺得BB可唔可愛呢 ???