2013年10月22日 星期二

椒鹽九肚魚 <附食譜>

以前總覺得在家炮製椒鹽食譜,例如 : 椒鹽鮮魷,椒鹽懶尿蝦等等 ... 會不好吃,因好多年前失敗過一次,從此就怕怕了,不敢再嘗試,但現在廚藝進步了,亦都知袁生喜愛脆口小菜,所以今天我要豁出去,再一次挑戰椒鹽食譜

~主角出場~  九肚魚 (椒鹽九肚魚)


九肚魚係街市好容易就有得賣,一碟有8-10條承為二十個大洋,價錢平,用椒鹽炮製,惹味到極,送啤酒一流呢 !


2013年10月12日 星期六

雞絲碗仔翅 + 煎釀多寶 <附食譜>

~叮~叮~叮~又到街頭小食時間 ...

香港有好多出名的街頭小食,碗仔翅同煎釀三寶大部份人都會喜歡,雖然係市面上食會有風味多一些,但自己係屋企整都可以好好味,袁太的碗仔翅落足材料,有木耳,雞絲,甘旬絲,冬菇絲,粉絲 ...... 係咪好足料呢

另外煎釀寶寶都唔執輸架,有新鮮熱辣的煎釀多寶,有豆腐,青椒,紅腸,白茄子,冬菇同有用鯪魚肉整出來的炸魚蛋,袁生覺得自家製的煎釀寶寶好味D,因冇在街上買的咁油膩 !


2013年10月11日 星期五

經濟版 <附海鮮蛋花粥食譜>

昨日又到10月10日了,係袁生袁太結婚三週年,雖然今年唔係兩個人慶祝,因袁生公司要食飯,所以撞期了,我當然唔會介意喇,凡事都係工作最緊要呢,何況袁生公司食飯我都有份去,同埋袁生應承我過幾日一定會同我補慶祝結婚週年

由於昨晚食飯食得太多的原故,今日個小肚子依然有少少飽的感覺,所以晚餐決定煲啖粥仔食,前幾星期係九龍城食過一碗海鮮粥,簡直人間美味,粥底夠綿,真係無得頂,見冰箱有少許海鮮,雖然唔係咩貴價海鮮,但都可以做碗"經濟版海鮮粥"

味道一樣咁"正" !


今日放工的時候經過廚房用品店,又買左碗碗碟碟筷子匙羮,每次見到廚房用品都忍不住手,其實究竟我用唔用得晒佢地呢 ???

今次選擇簡單懷舊版,碗碗碟碟都係純白色,匙羹就一般鐡羹吧,由於屋企飯枱已俾袁生霸佔用來做公司野,唯有係書房攞張傳統摺枱用住先 !

2013年10月6日 星期日

木耳杞子蒸雞 <附食譜>

唔知大家Yahoo Blog的文章搬到新平台未呢 ???

袁太就好懶,到現在都仲未開始搬家,等到今日放假的日子,真係要快快手將舊有的幾百個食譜手動搬過來先得,雖然會冇晒d留言,但冇辦法喇,最緊要係Keep番d食譜就OK了

前幾日晚餐又食蒸雞,隻新鮮雞就麻煩袁生放工幫我去雞檔買,曾致電袁生記得記得買雲耳,因想整金針雲耳蒸雞,但袁生居然 ..... 唔記得買

只係買了雞回來,激死我了~~~


唯有打開百寶箱(雪櫃)取材料,有木耳同杞子已經夠了,簡簡單單一碟蒸雞配白飯,已經滿足滿足 !

2013年10月3日 星期四

香噴噴 <附咖哩牛肉酥食譜>

自從係港島區某餅店食過一次牛肉酥後,總是心思思想試下自己整,不過去買材料的時候總是忐忑不安,其實會唔會好難整呢 ???

究竟我整唔整得掂呢 ??? 不如唔好整,番屋企算吧了

但最終都鼓起勇氣買好材料回家開工,呢碟咖哩酥足足整左差唔多半日時間,不過都係成功左一半,大家唔好睇相以為好成功,其實一盤裡面有幾個係燶架,仲有D係變左形


所以只係抽左幾個最靚的來影相,其實我而家仲未係好食得牛肉,只係偷偷食左一個,唔駛5分鐘立刻見效,即刻腰痛,真係大鑊囉,又唔知會痛幾多日 !

2013年10月1日 星期二

油鹽水浸大眼雞魚 <附食譜>

好耐冇食過大眼雞魚了,一般都會薑蔥蒸或用潮州做法"整打冷",細細個的時候媽咪就最喜愛這種做法,因為袁太呀爹係潮州人,不過其實我一向唔太喜愛打冷,只係冇同屋企人講姐

咁其實可以有咩做法呢 ???

突然想起袁生最近喜愛油鹽水煮蜆,咁如果將蜆轉大眼雞魚的話,味道得唔得呢,等我一於試下先

 

不過一條大眼雞魚都要承為$24大洋,wowowowowo ...... 其實都幾貴喎,我喜愛烹飪的原因就係可以不斷嘗試,嘗試新的配搭,新的味道 !

老行家官燕蘋果玫瑰果醬食譜 ~蘋果果醬麵包卷~

繼續同大家分享老行家品牌官燕果醬禮盒食譜 , 繼續分享蘋果玫瑰果醬 , 之前就用來製作雞扒 , 美味滿分兼袁生相當滿意後 , 今次就用來配上白方包製作甜點 , 用來作下午茶就最適合 , 而且材料同製作亦非常簡單 ......