長洲一日遊

其實同老公去長洲已經係月頭的事,因為話咁快同老公結婚半年,所以兩口子就去左長洲一日遊,
去食下野,影下相,充下電,偶然周圍行下,玩下,食下都唔錯架!

搭左個幾鐘船,終於到長洲喇!

嘩...好大粒魚蛋呀...

望真d,原來隻雀先係主角

黎呢到梗係要買紅豆餅喇
!

黎到長洲,點可以唔食甜品喎!不過咁啱呢日冇榴槤食,亦都好彩袁太係唔食榴槤既,不過袁生就冇得食!


平安包亦都係一定要買!

入到黎長洲,點可以唔食埋海鮮喎!

呢間戲院好似好恐怖

嘩...好靚的日落呀~~

白灼蝦+豉椒炒蟶子

同袁生行完街街後,
就一齊去街市睇下今晚煮咩餸,
經過海鮮檔見到蝦好似幾靚,
咁就不如今晚整白灼蝦喇!
點知袁生話不如買埋蟶子番去炒,
嘩...
咁今晚咪食海鮮餐,
不過冇所謂喇!
偶然一,兩次姐,
咁不如去盡d,
買埋生蠔整生菜包,
一於海鮮餐,咁就飯都唔駛煮喇!



~豉椒炒蟶子~食譜

材料 : 蟶子-1斤 / 蒜蓉豆鼓醬-2湯匙 / 辣椒-1隻                      

 

 

1.蟶子洗淨,辣椒切粒,備用.
 
2.燒滾水,下蟶子灼一灼,撈起.
3.燒紅鑊,落辣椒粒炒香後,加入蟶子,蒜蓉豆鼓醬兜勻.
4.贊少許酒,再加入少許生抽,麻油,再炒一陣,即可. 

   

紫菜肉碎魚蛋湯

今日又用濃湯寶幫手滾湯喇!
因為袁太覺得用濃湯寶滾湯會香好多,
起碼唔驚d湯冇味又俾袁生話,
之前媽咪俾左塊紫菜我一直都未用,
就用黎滾湯喇!
其實我最想加埋魚皮餃一齊滾,奈何袁生係唔食魚皮餃,
咁為有改用魚蛋滾喇!
不過都一樣咁好味!

~紫菜肉碎魚蛋湯~食譜

材料 : 紫菜-1塊 / 魚蛋-6粒 / 豬肉碎-$10 / 家樂牌濃湯寶鮮魚濃湯-1粒


 做法:

 1.豬肉用少許鹽,胡椒粉略醃一陣,備用.


 2.煲內放入適量的水,待滾後,加入家樂牌濃湯寶鮮魚濃湯.
 3.加入豬肉碎,紫菜,用大火滾20-30分鐘,再加入魚蛋,轉慢火再滾10-15分鐘,下少許鹽調味,即可.