2013年9月17日 星期二

鮑魚粟米鯊魚骨瘦肉湯 <附食譜>

假期的時候,多數同袁生落街食完早餐後,會去超市行下,行行吉吉島袁生發現有急凍鮑魚仔,就好開心跳下跳下攞左包俾我,叫我煲俾佢飲,要我家大爺親口開聲叫我煲湯真係好難得

 

另外媽咪之前俾左鯊魚骨我都未用完,鯊魚骨有消除腫瘤及防癌作用,而且加左鯊魚骨煲的湯,味道濃濃地,相當唔錯,雖然急凍鮑魚唔係咩貴價鮑,但煲出來的湯水真係一流架 !


其實只用簡簡單單的材料,例如 : 甘旬,粟米,瘦肉已經好好味了 !





鮑魚粟米鯊魚骨瘦肉湯
材料 : 急凍鮑魚<5隻>,粟米<1條>,甘旬<1個>,瘦肉<$10>,鯊魚骨<1塊>,薑<2片>,蜜棗<2粒>


做法 :
1. 瘦肉洗淨出水,鯊魚骨用熱水灼一灼備用

2. 甘旬去皮切件,粟米洗淨切件

3. 煲內放入適量水,放入蜜棗,薑片,瘦肉,鯊魚骨用大火煲30分鐘

4. 再加入甘旬,粟米,鮑魚煲滾,轉慢火煲1 1/2小時,最後加入少許鹽調味即可


4 則留言:

老行家官燕蘋果玫瑰果醬食譜 ~蘋果果醬麵包卷~

繼續同大家分享老行家品牌官燕果醬禮盒食譜 , 繼續分享蘋果玫瑰果醬 , 之前就用來製作雞扒 , 美味滿分兼袁生相當滿意後 , 今次就用來配上白方包製作甜點 , 用來作下午茶就最適合 , 而且材料同製作亦非常簡單 ......