2016年3月17日 星期四

濃味洋蔥豬扒




洋蔥豬扒對我來說同薯仔雞翼一樣

由細細個開始已經好鬼鐘意食 , 絕對百食不厭

而且洋蔥豬扒係一道簡單小菜 , 煮法絕對唔難 ......



袁太最愛係超市買無骨豬扒肉

以前係街市豬肉店買過豬扒 , 炒完出來硬過我條命

但超市的塊塊都肥瘦平均 , 炒完出來好軟身 , 真係好惹味

以往整洋蔥豬扒會加埋蘑菇一起 , 不過呢幾日蘑菇唔太靚仔 , 不買了

而洋蔥方面袁太今次用了黃洋蔥同紫洋蔥兩款

其實用邊款洋蔥都冇所謂架



做法只要醃好豬扒放入鑊中煎至金黃

再用原鑊爆香洋蔥 , 將豬扒回鑊再加醃豬扒汁快手炒至乾身就可以

係咪好簡單快捷呢



我知袁生比較喜愛濃味的豬扒 , 所以袁太加少左生抽同老抽架

相信洋蔥豬扒一定好多人都喜愛食 , 而且好好送飯添 ^^ 



材料 : 無骨豬扒肉 , 黃洋蔥 , 紫洋蔥 , 青椒 , 蔥段 , 雞蛋 , 芹菜 (裝飾可省略)



豬扒拍鬆兩面後切細件放入大碗內 , 雞蛋打出蛋白留起 , 蔥切段 , 青椒去籽切條 , 黃 , 紫洋蔥去衣後切條備用






豬扒加入生抽 , 老抽 , 雞蛋白及糖拌勻醃5分鐘後 , 再加入生粉 , 麻油 , 2湯匙水拌勻醃1小時










    
燒紅鑊 , 將豬扒放入鑊中用中火煎至兩面金黃色後盛起 , 醃豬扒的汁料再加1湯匙水拌勻備用






原鑊放入蔥段及青椒爆香 , 加入兩款洋蔥爆香至微軟 , 加入少許老抽及糖拌勻蓋上蓋至洋蔥軟身













將豬扒回鑊及倒入汁料拌勻 , 用中火快炒至汁料收乾即可










材料 
無骨豬扒肉4塊 , 黃洋蔥1個 , 紫洋蔥1個 , 青椒2個 , 蔥段 , 雞蛋1隻 , 芹菜 (裝飾可省略)



做法
1. 豬扒拍鬆兩面後切細件放入大碗內

2. 雞蛋打出蛋白留起 , 蔥切段 , 青椒去籽切條

3. 黃 , 紫洋蔥去衣後切條備用 

4. 豬扒加入生抽 , 老抽 , 雞蛋白及糖拌勻醃5分鐘後

5. 再加入生粉 , 麻油 , 2湯匙水拌勻醃1小時

6. 燒紅鑊 , 將豬扒放入鑊中用中火煎至兩面金黃色後盛起

7. 醃豬扒的汁料再加1湯匙水拌勻備用

8. 原鑊放入蔥段及青椒爆香 , 加入兩款洋蔥爆香至微軟

9. 加入少許老抽及糖拌勻蓋上蓋至洋蔥軟身 

10. 將豬扒回鑊及倒入汁料拌勻 , 用中火快炒至汁料收乾即可 




惹味的洋蔥豬扒 , 唔知大家喜愛食豬扒還是洋蔥多一些呢 ^^


18 則留言:

  1. 洋蔥豬扒都係我兒時最愛呀

    回覆刪除
  2. 豬扒濃味一定好惹味,袁生真係識食喎

    回覆刪除
  3. 無骨豬扒肉食的時候好方便,我鐘意

    回覆刪除
  4. 雖然我唔食豬, 但剩食洋蔥都可以餸到成碗飯!要copy你個汁!

    回覆刪除
  5. 無骨豬扒啖啖肉好味道呀

    回覆刪除

老行家官燕蘋果玫瑰果醬食譜 ~蘋果果醬麵包卷~

繼續同大家分享老行家品牌官燕果醬禮盒食譜 , 繼續分享蘋果玫瑰果醬 , 之前就用來製作雞扒 , 美味滿分兼袁生相當滿意後 , 今次就用來配上白方包製作甜點 , 用來作下午茶就最適合 , 而且材料同製作亦非常簡單 ......