2017年7月10日 星期一

栗子臘腸粒菜飯




最近呢幾日又有猛猛太陽出現 , 不過天氣又變回熱到爆的時候 , 咁熱的天氣躲係廚房唔好話煮兩餸一湯 , 就連煮一個餸都大汗疊細汗 , 好鬼辛苦 , 所以閒時我最鐘意煮有味飯 , 一煲過夠晒方便 ......



每逢煮有味飯我都必然會加栗子同煮 , 起初只簡單整栗子蝦米飯 , 後來發現雪櫃有臘腸&小棠菜 , 又可以加埋入去栗子飯內一齊煮 , 唔知點解 , 百寶箱永遠有煮唔完的材料 , 清晒某樣剩餘物資的時候 , 轉頭又有其他剩餘物資的出現 , 所以雪櫃同米桶一樣 , 經常都係"常滿" , 又或者我平時喜愛得閒就入下貨 , 有好多野見到有特價 , 就會自自然然忍不住手就買少少回家 , 方便隨時用黎煮餸或加餸都得



呢個菜飯充滿臘腸的香味 , 而且臘腸的油份與栗子飯結合的味道 , 真係令我食到唔停得口 , 呢一大盆香噴噴的有味飯就成了我同袁生當日的晚餐呢 ^^ 



材料 : 臘腸 , 栗子 , 蝦米 , 白米 , 薑 , 鹽 , 胡椒粉 , 小棠菜 , 蔥 , 水




栗子放入煲內加水浸過面 , 用中火煮5分鐘至滾 , 盛起將栗子趁熱去殼 , 將栗子肉沖洗乾淨 , 白米用水沖洗及瀝乾 , 薑去皮切細粒及蘑成蓉 , 蔥切細粒 , 浸蝦米水留起 , 蝦米切碎 , 臘腸用熱水沖洗再切粒












燒紅鑊 , 將蝦米 , 臘腸粒爆香至出油份 , 將材料先盛起 , 原鑊加入薑粒及白米拌勻炒至米乾身後 , 盛起放入飯煲內 , 加入栗子肉 , 少許鹽 , 胡椒粉 , 生抽調味 , 再加入蝦米水及水 (水的份量同平時煮飯的份量一樣) , 拌勻按製將栗子飯煮熟





















 

小棠菜加少許鹽 , 用水浸過面靜待10分鐘後沖洗乾淨再切碎 , 放入鑊中加入薑汁及少許鹽拌炒數分鐘 , 再加約2湯匙水拌勻 , 蓋上蓋用慢火煮3分鐘至微軟















栗子飯煮熟後加入之前爆香的臘腸粒 , 蝦米及小棠菜拌勻 , 盛起再灑上蔥粒即可










材料
臘腸4條(短) , 栗子1/2磅 , 蝦米 , 白米2 1/2杯 , 薑 , 鹽 , 胡椒粉 , 小棠菜1/2斤 , 蔥 , 水



做法
1. 栗子放入煲內加水浸過面 , 用中火煮5分鐘至滾 

2. 盛起將栗子趁熱去殼 , 將栗子肉沖洗乾淨 , 白米用水沖洗及瀝乾 

3. 薑去皮切細粒及蘑成蓉 , 蔥切細粒 , 浸蝦米水留起 , 蝦米切碎 

4. 臘腸用熱水沖洗再切粒

5. 燒紅鑊 , 將蝦米 , 臘腸粒爆香至出油份 , 將材料先盛起

6. 原鑊加入薑粒及白米拌勻炒至米乾身後 , 盛起放入飯煲內 

7. 加入栗子肉 , 少許鹽 , 胡椒粉 , 生抽調味 

8. 再加入蝦米水及水 (水的份量同平時煮飯的份量一樣) , 拌勻按製將栗子飯煮熟

9. 小棠菜加少許鹽 , 用水浸過面靜待10分鐘後沖洗乾淨再切碎 

10. 放入鑊中加入薑汁及少許鹽拌炒數分鐘 , 再加約2湯匙水拌勻 

11. 蓋上蓋用慢火煮3分鐘至微軟

12. 栗子飯煮熟後加入之前爆香的臘腸粒 , 蝦米及小棠菜拌勻 , 盛起再灑上蔥粒即可
 



熱辣辣的栗子飯 , 仲有香噴噴的臘腸蝦米香味 , 令人停不到口不停食呢 ^^




20 則留言:

  1. 菜飯有益,我要一碗呀

    回覆刪除
  2. 呢個飯好正呀

    回覆刪除
  3. 我假日都要試做呢個有味飯

    回覆刪除
  4. 有栗子同臘腸真係特別香D, 正呀!

    回覆刪除
  5. 回覆
    1. 一碗夠唔夠呀?不過已經沽清晒呢

      刪除
  6. 我都好鐘意食菜飯架

    回覆刪除
  7. 我鐘意食栗子,呢個飯啱我食

    回覆刪除