2017年10月23日 星期一

洋蔥汁蘑菇豬扒腸仔飯




最近太陽怕怕好勤力出來同大家打招呼 , 袁太亦唔會浪費咁好的太陽 , 立刻洗床單洗被套 , 當然亦要洗埋豬豬的床仔同被仔 , 雖然豬豬已離開了兩年幾的時間 , 但床仔玩具依舊放在原位 , 係袁生袁太對豬豬的一種思念同習慣 ......



每當袁生要趕圖的時候 , 都會叫袁太求求其其煲多湯渣的湯水當晚飯就算 , 其實在此不得不媽叉袁生 , 人地俾足時間你去交貨 , 係你自己經常以為有足夠時間 , 未到最後限期都唔渣起支筆 , 成日掛住打機 , 臨到限期就趕頭趕命咁 , ~何必呢~ ~何必呢~



之但係就算幾忙都要食啖飯 , 唔可以下下飲湯食湯渣就算 , 所以今次就整碟頭飯做晚餐 , 一來食時方便 , 二來碟都可以洗少DDD ~~~ 平時係茶記食午餐 , 袁生最愛除左星洲炒米外 , 最愛亦有洋蔥汁豬扒腸仔飯 , 好 , 袁太今次就整呢樣 , 其實自家製一D都唔難 , 我最愛係個洋蔥汁 ,
汁料裡加入大量洋蔥同蘑菇 , 用來拌飯就最正 , 另外加上最愛的廚師牌腸仔 , 一碟足料多 , 味道俾茶記還要好的碟頭飯就完成呢 ^^



材料 : 無骨梅頭豬扒 , 腸仔 , 洋蔥 , 啡蘑菇 , 白蘑菇 , 茄膏 , 自製雞上湯300ml(或用普通雞湯代替) , 蒜頭 , 酒 , 麵粉 , 水 , 胡椒粉 , 鹽 , 雞粉 , 黑胡椒碎




豬扒用刀背拍鬆兩面後切件 , 放入大碗內加入醃料及雞粉拌勻靜待1小時 , 期間將啡蘑菇 , 白蘑菇切片 , 蒜頭去衣切細粒 , 洋蔥去衣切條













燒紅鑊 , 爆香蒜粒及洋蔥 , 再加入啡 , 白蘑菇拌勻炒數分鐘至洋蔥微軟 , 加入茄膏 , 蠔油及麵粉拌勻 , 加入雞上湯及1杯水拌勻 , 蓋上蓋用慢火煮5分鐘至杰身 , 熄火加少許鹽及黑胡椒粒調味拌勻成洋蔥汁備用





























鑊中加入腸仔及100ml份量水 , 蓋上鑊蓋用中火煮5分鐘至水份收乾 , 盛起備用 , 豬扒亦放入鑊中用慢火慢慢煎至兩面金黃色 , 最後將白飯放上碟 , 再放上豬扒及腸仔 , 再淋上洋蔥汁即可
















材料 
無骨梅頭豬扒2塊 , 腸仔4條 , 洋蔥2個 , 啡蘑菇 , 白蘑菇 , 茄膏2湯匙 , 自製雞上湯300ml(或用普通雞湯代替) , 蒜頭 , 酒 , 麵粉2湯匙 , 水1杯 , 胡椒粉

醃料 
生抽 , 老抽 , 紹酒 , 胡椒粉



做法
1. 豬扒用刀背拍鬆兩面後切件 , 放入大碗內加入醃料及雞粉拌勻靜待1小時 

2. 期間將啡蘑菇 , 白蘑菇切片 , 蒜頭去衣切細粒 , 洋蔥去衣切條

3. 燒紅鑊 , 爆香蒜粒及洋蔥 , 再加入啡 , 白蘑菇拌勻炒數分鐘至洋蔥微軟 

4. 加入茄膏 , 蠔油及麵粉拌勻 

5. 加入雞上湯及1杯水拌勻 , 蓋上蓋用慢火煮5分鐘至杰身 

6. 熄火加少許鹽及黑胡椒粒調味拌勻成洋蔥汁備用

7. 鑊中加入腸仔及100ml份量水 

8. 蓋上鑊蓋用中火煮5分鐘至水份收乾 , 盛起備用 

9. 豬扒亦放入鑊中用慢火慢慢煎至兩面金黃色 

10. 最後將白飯放上碟 , 再放上豬扒及腸仔 , 再淋上洋蔥汁即可 




最近真係經常地整碟頭飯做晚餐 , 唔知袁生食碟頭飯或有味飯開始覺得厭倦未呢 ^^






16 則留言:

老行家官燕蘋果玫瑰果醬食譜 ~蘋果果醬麵包卷~

繼續同大家分享老行家品牌官燕果醬禮盒食譜 , 繼續分享蘋果玫瑰果醬 , 之前就用來製作雞扒 , 美味滿分兼袁生相當滿意後 , 今次就用來配上白方包製作甜點 , 用來作下午茶就最適合 , 而且材料同製作亦非常簡單 ......