2017年11月24日 星期五

蒸三色蛋




三色蛋一向給我的感覺係一樣好方便的家常菜 , 當要加餸 , 或諗唔到煮咩好餸的時候 , 又想在家煮番一兩味 , 只要有雞蛋 , 鹹蛋 , 皮蛋呢類型簡單的材料 , 就可以製作一道靚靚的三色蛋做晚餐 ......



而且袁太好喜愛 ... 好喜愛食雞蛋 , 無論炒蛋 , 荷包蛋 , 煎蛋卷我統統都愛 , 仲有滑嘟嘟的蒸水蛋 , 用來拌飯絕對一流 , 不過我家袁生就唔太喜愛喇 , 話嫌蒸蛋太滑喎 , 都痴痴地 , 怪人一個 , 唔 ... 既然麻煩友唔太愛滑滑水蛋 , 咁不如將三色蛋轉轉方式製作 , 譬如將蛋白同蛋黃分開蒸 , 層次感好分明 , 蒸好後稍為待涼切成一件件 , 賣相仲好靚靚添



用這個方法整三色蛋 , 口感比較實 , 但勝在有咬口 , 袁生反而喜愛這個食法 , 其實我都鐘意 , 大家有機會都試下這樣做 , 可能妳們都會愛上呢 ^^



材料 : 雞蛋 , 鹹蛋 , 皮蛋 , 保鮮紙 , 鹽 , 米酒 , 胡椒粉 , 蔥




皮蛋及鹹蛋分別洗淨 , 放入電蒸鍋內蓋上蓋蒸20分鐘後再焗15分鐘至熟透 , 期間器皿內放上保鮮紙墊底 , 將蒸好的鹹蛋及皮蛋盛起 , 鹹蛋用水沖至涼 , 去殼連皮蛋一同切粒 , 蔥切成絲 , 鹹蛋粒及皮蛋粒放入器皿內














雞蛋白打入大碗內(雞蛋黃放入另一碗內) , 雞蛋白加入少許鹽及米酒拌勻 , 用隔篩將蛋白倒入鹹蛋粒及皮蛋粒的器皿內填滿 , 放入電蒸鍋蓋上蓋先蒸5分鐘













期間將雞蛋黃加少許胡椒粉拌勻成蛋液 , 蒸5分鐘見蛋白凝固再倒入蛋液 , 再蓋上蓋繼續蒸15分鐘至凝固(蒸的時候係邊邊位加筷子預留空位 , 令蛋黃部份蒸的時候不會過老已形成火山口)蒸好後待涼10分鐘 , 再切成一件件即可

















材料
雞蛋4隻 , 鹹蛋2隻 , 皮蛋2隻 , 保鮮紙 , 鹽 , 米酒 , 胡椒粉 , 蔥



做法
1. 皮蛋及鹹蛋分別洗淨 

2. 放入電蒸鍋內蓋上蓋蒸20分鐘後再焗15分鐘至熟透 

3. 期間器皿內放上保鮮紙墊底 

4. 將蒸好的鹹蛋及皮蛋盛起 , 鹹蛋用水沖至涼 , 去殼連皮蛋一同切粒 , 蔥切成絲

5. 鹹蛋粒及皮蛋粒放入器皿內

6. 雞蛋白打入大碗內(雞蛋黃放入另一碗內) , 雞蛋白加入少許鹽及米酒拌勻 

7. 用隔篩將蛋白倒入鹹蛋粒及皮蛋粒的器皿內填滿 

8. 放入電蒸鍋蓋上蓋先蒸5分鐘 

9. 期間將雞蛋黃加少許胡椒粉拌勻成蛋液 

10. 蒸5分鐘見蛋白凝固再倒入蛋液 , 再蓋上蓋繼續蒸15分鐘至凝固
     (蒸的時候係邊邊位加筷子預留空位 , 令蛋黃部份蒸的時候不會過老已形成火山口) 

11. 蒸好後待涼10分鐘 , 再切成一件件即可




做法材料同樣簡單 , 外觀美麗的三色蛋 , 大家有機會要試試呢 ^^




18 則留言:

  1. 非一般的三色蛋,好靚呀

    回覆刪除
  2. 好靚呀,我會唔捨得食

    回覆刪除
  3. 好靚既三色蛋

    回覆刪除
  4. 平時都係倒埋一碟蒸就算,唔會好似袁太咁,雞蛋,蛋白分開蒸呢

    回覆刪除