2018年1月16日 星期二

慢煮手撕雞蘑菇菜飯




最近唔知係咪天氣凍的關係呢 , 袁太已經連續好多日都煮有味飯 , 貪有味飯方便 , 一煲過唔駛煩 , 而且有味飯可以用唔同材料配搭同煮 , 真係食極都唔會厭架 ......



今次又黎煮菜飯喇 , 菜飯大多數用小棠菜來煮 , 平時我就唔多鐘意食小棠菜 , 因為總覺味道怪怪的 , 之但係如果用來做菜飯我又覺得幾好味 , 而菜飯我家袁生都好愛吃 , 因有他喜愛小棠菜 



其實袁太有疑問 , 菜飯是否一定要配排骨 ??? 因街外食既菜飯套餐多數係配排骨 , 不過排骨菜飯之前整過 , 所以今次就配雞煮 , 袁生第一時間和應要配手撕雞 , 睇開袁太廚房blog的朋友仔及太太們 , 手撕雞一向係袁家晚餐的菜譜上沾有好高的地位 , 皆因袁生十分最愛 , 而且手撕雞變化多多 , 可以整冷盤 , 可以用來撈麵及炒菜都一樣美味 , 不過今次就用來慢煮



何謂慢煮 ??? 只不過係用慢火煮熟隻雞 , 連同蔬菜 , 磨菇一齊煮 , 煮出來的汁料非常濃郁 , 汁料留起代替雞湯用來煮菜飯 , 味道香噴噴 , 我唔客氣呢 ^^



材料 : 雞 , 洋蔥 , 甘旬 , 白蘑菇 , 薑 , 蒜頭 , 乾蔥頭 , 小棠菜 , 白米 , 酒 , 水 , 鹽 , 蔥 , 胡椒粉



雞洗淨加少許鹽 , 酒拌勻靜待30分鐘 , 期間將洋蔥去皮切條 , 甘旬去皮切粗條 , 磨菇切片 , 蒜頭去衣拍扁 , 乾蔥頭去衣拍扁 , 薑去皮一半切絲 , 一半蘑成薑汁 , 白米用水沖一沖洗及瀝乾 , 小棠菜加少許鹽 , 加水浸過面靜待10分鐘
















燒紅鑊 , 爆香薑絲 , 乾蔥頭 , 蒜頭有香味 , 逐一加入甘旬 , 洋蔥 , 磨菇片拌勻炒至微軟身 , 將雞放上 , 加入一杯水份量用中火煮滾 , 再蓋上蓋轉慢火煮20分鐘















期間將浸10分鐘的小棠菜洗淨切碎 , 雞煮20分鐘後熄火焗5分鐘 , 將雞 , 配料(洋蔥 , 甘旬 , 磨菇) , 料頭(薑片 , 蒜頭 , 乾蔥頭) , 汁料分開盛起 , 原鑊爆香之前盛起的料頭 , 加入白米拌勻 , 再加入汁料炒至白米乾身 , 盛起放入飯煲內 , 加入水(水份量按照日常煮飯就可) , 放入電飯煲內按製煮






















小棠菜放入鑊中加入少許鹽 , 薑汁 , 胡椒粉及水拌炒數分鐘 , 蓋上蓋用慢火煮5分鐘至微軟 , 盛起備用 , 將雞用手撕成絲 , 待飯煮好後逐一加入小棠菜 , 配料(洋蔥 , 甘旬 , 磨菇)及手撕雞肉拌勻即可





















材料 
雞1/2隻 , 洋蔥1個 , 甘旬1條 , 白蘑菇 , 薑 , 蒜頭1個 , 乾蔥頭4粒 , 小棠菜1/2斤 , 白米3杯 , 酒 , 水 , 鹽 , 蔥 , 胡椒粉



做法
1. 雞洗淨加少許鹽 , 酒拌勻靜待30分鐘 

2. 期間將洋蔥去皮切條 , 甘旬去皮切粗條 , 磨菇切片

3. 蒜頭去衣拍扁 , 乾蔥頭去衣拍扁 , 薑去皮一半切絲 , 一半蘑成薑汁 

4. 白米用水沖一沖洗及瀝乾 , 小棠菜加少許鹽 , 加水浸過面靜待10分鐘

5. 燒紅鑊 , 爆香薑絲 , 乾蔥頭 , 蒜頭有香味 

6. 逐一加入甘旬 , 洋蔥 , 磨菇片拌勻炒至微軟身 , 將雞放上 

7. 加入一杯水份量用中火煮滾 , 再蓋上蓋轉慢火煮20分鐘

8. 期間將浸10分鐘的小棠菜洗淨切碎 

9. 雞煮20分鐘後熄火焗5分鐘 

10. 將雞 , 配料(洋蔥 , 甘旬 , 磨菇) , 料頭(薑片 , 蒜頭 , 乾蔥頭) , 汁料分開盛起

11. 原鑊爆香之前盛起的料頭 , 加入白米拌勻 , 再加入汁料炒至白米乾身 

12. 盛起放入飯煲內 , 加入水(水份量按照日常煮飯就可) 

13. 放入電飯煲內按製煮

14. 小棠菜放入鑊中加入少許鹽 , 薑汁 , 胡椒粉及水拌炒數分鐘 

15. 蓋上蓋用慢火煮5分鐘至微軟 , 盛起備用 , 將雞用手撕成絲 

16. 待飯煮好後逐一加入小棠菜 , 配料(洋蔥 , 甘旬 , 磨菇)及手撕雞肉拌勻即可
 



材料多步驟多 , 但味道佳的慢煮手撕雞蘑菇菜飯完成 , 整手撕雞剩下的雞骨留起 , 用來下次煲湯呢 ^^





18 則留言: