2018年3月1日 星期四

菠蘿雜錦蝦仁炒飯




經過日式超市見到有靚靚菠蘿賣 , 令我聯想到美味的菠蘿炒飯 , 我知袁生唔太鐘意食炒飯 , 所以whatsapp佢的時候就講到明 , 我今日會整菠蘿炒飯 , 炒飯入面有蝦仁同肉鬆 , 點知袁生的回覆係~好呀 , 妳炒喇 , 我食呀~ ......



其實我知袁生都係見炒飯入面有他最愛的蝦仁 , 佢先會食 , 而呢個炒飯唔止有蝦仁同肉鬆 , 仲有好多好多配料 , 有腰果 , 有肉碎 , 有臘腸同雜豆 , 材料係咪好豐富呢 , 絕對又係一個足料的炒飯 



其實炒飯絕對唔難 , 呢個炒飯我覺得最難的係將菠蘿起肉 , 係日式超市的菠蘿全部都好靚靚




菠蘿肉又甜又多汁 , 袁太一路起肉一路偷食菠蘿 , 做菠蘿炒飯最重要一定要留起個菠蘿 , 到時炒完個飯用番個菠蘿盛住d炒飯 , 賣相又靚 , 味道又好味呢 ^^



材料 : 菠蘿 , 冷飯 , 臘腸 , 雜豆 , 急凍蝦仁 , 豬肉碎 , 豬肉鬆 , 原味腰果 , 雞蛋 , 咖哩粉 , 乾蔥頭 , 鹽 , 糖 , 生粉 , 胡椒粉 , 魚露




豬肉碎放入大碗內 , 加入醃料拌勻靜待30分鐘 , 原個菠蘿切成兩邊 , 用刀界下菠蘿肉後用匙羹起出菠蘿肉 , 將菠蘿肉切細粒 , 放入碗內 , 加少許鹽及水蓋過面浸5分鐘後瀝乾水份



















急凍蝦仁解凍後用生粉用水沖洗兩次瀝乾水份 , 放入碗內加少許鹽及胡椒粉調味拌勻 , 臘腸用熱水沖一沖洗切粒 , 乾蔥頭去衣切片 , 雜豆用水沖一沖洗及瀝乾 , 雞蛋拌勻成蛋液

















燒紅鑊 , 先放入乾蔥片及豬肉碎拌炒數分鐘至豬肉轉色 , 先盛起 , 原鑊再加入臘腸 , 雜豆 , 蝦仁炒至蝦仁轉色 , 盛起備用











鑊中加入一半蛋液炒至半凝固 , 加入冷飯炒至散 , 再加入餘下份量蛋液 , 拌炒至冷飯乾身 , 加入咖哩粉 , 魚露 , 鹽及胡椒粉調味拌炒至冷飯完全不黏鑊 , 加入所有之前炒好的配料拌炒數分鐘 , 熄火後加入菠蘿粒 , 原味腰果及肉鬆拌勻



























最後將菠蘿入面的水份用廚紙抹乾 , 將炒飯放入菠蘿內 , 再灑上肉鬆即可










材料
菠蘿1個 , 冷飯3碗 , 臘腸2條 , 雜豆 , 急凍蝦仁1/2磅 , 豬肉碎$10 , 豬肉鬆 , 原味腰果 , 雞蛋2隻 , 咖哩粉1茶匙 , 乾蔥頭4粒 , 鹽 , 糖 , 生粉 , 胡椒粉 , 魚露

醃料
生抽 , 糖 , 生粉 , 胡椒粉 , 水


做法
1. 豬肉碎放入大碗內 , 加入醃料拌勻靜待30分鐘 

2. 原個菠蘿切成兩邊 , 用刀界下菠蘿肉後用匙羹起出菠蘿肉 , 將菠蘿肉切細粒

3. 放入碗內 , 加少許鹽及水蓋過面浸5分鐘後瀝乾水份

4. 急凍蝦仁解凍後用生粉用水沖洗兩次瀝乾水份 

5.  放入碗內加少許鹽及胡椒粉調味拌勻 

6. 臘腸用熱水沖一沖洗切粒 , 乾蔥頭去衣切片 

7. 雜豆用水沖一沖洗及瀝乾 , 雞蛋拌勻成蛋液

8. 燒紅鑊 , 先放入乾蔥片及豬肉碎拌炒數分鐘至豬肉轉色 , 先盛起 

9. 原鑊再加入臘腸 , 雜豆 , 蝦仁炒至蝦仁轉色 , 盛起備用

10. 鑊中加入一半蛋液炒至半凝固 , 加入冷飯炒至散 

11. 再加入餘下份量蛋液 , 拌炒至冷飯乾身 

12. 加入咖哩粉 , 魚露 , 鹽及胡椒粉調味拌炒至冷飯完全不黏鑊 

13. 加入所有之前炒好的配料拌炒數分鐘 , 熄火後加入菠蘿粒 , 原味腰果及肉鬆拌勻

14. 最後將菠蘿入面的水份用廚紙抹乾 

15. 將炒飯放入菠蘿內 , 再灑上肉鬆即可 


 

呢款足料的菠蘿炒飯實在太好味 , 我食左好多碗呢 ^^





22 則留言:

  1. 好靚呀!足料又好味. 😋

    回覆刪除
  2. 原個菠蘿上,賣相好靚呀

    回覆刪除
  3. 呢個炒飯我會俾一百分呀

    回覆刪除
  4. 我一定要學整呢個炒飯

    回覆刪除