2018年3月6日 星期二

粉葛矛根粟米豬肉湯




前幾日發現雪櫃有一條豬腩肉 , 本想用來整蒜泥白肉 , 但一條份量好似唔多夠 , 用黎整回鍋肉的話 , 袁生又唔食 , 咁我應該如何處置條豬腩肉呢 ......



咁不如用來煲湯 ??? 用豬腩肉煲湯我未曾試過 , 雖然我知用豬腩肉煲湯一定好香 , 但亦有個問題 , 湯會唔會變得好油 ??? 唔理 , 一於煲左再說吧 , 最近袁太愛上了煲粉葛湯 , 訓醒經常性腰骨痛 , 飲粉葛湯可以去骨火 , 而且粉葛湯可以配搭多元化 , 今次袁太就配上茅根同粟米



其實茅根唔一定要配竹庶馬蹄 , 配粉葛都同樣美味 , 加上粟米就甜上加甜 , 湯煲好後豬腩肉依然嫩滑 , 好鬼好味道呢 ^^



材料 : 粉葛 , 粟米 , 茅根 , 豬腩肉 , 蜜棗 , 鹽




豬腩肉放入煲內加水浸過面 , 用中火煮至滾後沖一沖水再切件 , 茅根剪短用水沖一沖洗 , 粟米洗淨切段 , 粉葛切件用水沖一沖洗備用













煲內先放入粟米 , 茅根 , 蜜棗 , 加入適量水拌勻用中火煮至微滾 , 加入豬腩肉及粉葛拌勻 , 先用中火煲15分鐘 , 15分鐘後蓋上蓋轉慢火煲1 1/2小時 , 最後加少許鹽調味拌勻轉中火再煲滾 , 熄火焗30分鐘即可























 
材料
粉葛1.5斤 , 粟米1條 , 茅根$10 , 豬腩肉1條 , 蜜棗3粒 , 鹽



做法
1. 豬腩肉放入煲內加水浸過面 , 用中火煮至滾後沖一沖水再切件 

2. 茅根剪短用水沖一沖洗 

3. 粟米洗淨切段 , 粉葛切件用水沖一沖洗備用

4. 煲內先放入粟米 , 茅根 , 蜜棗 , 加入適量水拌勻用中火煮至微滾 

5. 加入豬腩肉及粉葛拌勻 , 先用中火煲15分鐘 

6. 15分鐘後蓋上蓋轉慢火煲1 1/2小時 

7. 最後加少許鹽調味拌勻轉中火再煲滾 , 熄火焗30分鐘即可
 



啖湯有少許濃味又甜甜地 , 仲有粉葛 , 粟米同豬腩肉做湯渣 , 好滿足呢 ^^





14 則留言: