2018年6月22日 星期五

黑芝麻蔥油餅




袁太好鐘意食蔥油餅 , 經常都會出街買回家慢慢嘆 , 不過蔥油餅呢樣野絕對係即煎即食先最好味 , 凍左又淋又油唔好味呢 , 而且街買的蔥油餅有時好厚 , 有時食落口又硬 , 又成口粉味 , 都冇一間覺得好味 , 雖然袁太搓麵糰一向唔叻 , 不過都想試下自己整 , 自己整一定要落多多蔥先得 ......



決定整就上網搜尋下食譜 , 整蔥油餅係要中筋麵粉 , 係東南亞材料店見有得賣 , 就買左一包




袁太版的蔥油餅除左基本材料外 , 我仲另外加左黑芝麻同白芝麻 , 令蔥油餅變得更香口 , 唔叻搓麵糰的我 , 今次都搓得幾滿意 , 拿拿臨去發酵 , 發酵完就壓薄 , 落蔥 , 落芝麻 , 捲起再捲成蛇餅形再壓扁就得 , 簡單放入鑊煎至金黃色就有得食 



熱辣辣煎好的蔥油餅好香好香 , 外脆內軟 , 我最愛食邊邊的脆口位架 , 蔥油餅用來做下午茶 , 宵夜或早餐都得 , 配埋杯豆漿就更加完美呢 ^^


 
材料 : 中筋麵粉 , 黑芝麻 , 白芝麻 , 蔥 , 油 , 鹽 , 糖 , 酵母粉 , 水 , 掃 , 麵棍 , 刮刀




中筋麵粉放入大碗內 , 加少許鹽 , 糖及酵母粉拌勻 , 再加入水拌勻至少糰狀 , 取出慢慢搓成光滑麵糰 , 將麵糰放入大碗內 , 蓋上保鮮紙靜置35分鐘 , 期間將蔥切粒


















將麵糰分成5-6份 , 用麵掍將麵糰壓薄 , 掃上油 , 灑上蔥粒 , 加少許鹽 , 灑上黑芝麻及白芝麻 , 從較長個邊開始卷起 , 捲成長條後再捲成蛇餅狀 , 再用麵掍壓扁 , 全部麵糰壓扁後靜置10分鐘 , 鑊中加少許油燒熱 , 放入麵糰用慢火慢慢煎至兩面金黃色即可


























材料  
中筋麵粉250g , 黑芝麻 , 白芝麻 , 蔥 , 油 , 鹽 , 糖1茶匙 , 酵母粉1/4茶匙 , 水150ml , 掃 , 麵棍 , 刮刀



做法
1. 中筋麵粉放入大碗內 , 加少許鹽 , 糖及酵母粉拌勻 

2. 再加入水拌勻至少糰狀 , 取出慢慢搓成光滑麵糰 

3. 將麵糰放入大碗內 , 蓋上保鮮紙靜置35分鐘 

4. 期間將蔥切粒

5. 將麵糰分成5-6份 

6. 用麵掍將麵糰壓薄 , 掃上油 , 灑上蔥粒 , 加少許鹽 , 灑上黑芝麻及白芝麻 

7. 從較長個邊開始卷起 , 捲成長條後再捲成蛇餅狀 

8. 再用麵掍壓扁 

9. 全部麵糰壓扁後靜置10分鐘 

10. 鑊中加少許油燒熱 , 放入麵糰用慢火慢慢煎至兩面金黃色即可 




外脆內軟的蔥油餅 , 加埋豆漿簡直絕配 , 用來做早餐一流呢 ^^






20 則留言:

  1. 蔥油餅我都鐘意食呀

    回覆刪除
  2. 我唔食蔥,所以少食蔥油餅

    回覆刪除
  3. 出面要堂食先好味,一外賣就唔得

    回覆刪除