2019年9月20日 星期五

南瓜烤菇薯仔濃湯




感覺好耐冇整過濃湯 , 講開濃湯 , 袁太至愛南瓜薯仔或周打蜆湯 , 不過當日買唔到靚蜆 , 所以就買左南瓜 , 薯仔及洋蔥 , 用破壁機整個濃湯飲下 , 係雪櫃俾我搵到兩個燒烤大菇 , 用牛油炒香拌湯飲 ......



煮濃湯非常簡單 , 切好晒材料 , 一同落鑊爆香至微焦 , 加月桂葉 , 熱水用慢火煮30分鐘至南瓜 , 薯仔半溶狀態 , 放入破壁機打成杰身濃湯 , 放入煲加鹽 , 黑胡椒碎調味再用慢火煮至滾 , 再拌大菇一同進食 , 非常美味呢 ^^



材料 : 南瓜 , 薯仔 , 洋蔥 , 燒烤大菇 , 月桂葉 , 牛油 , 鹽 , 油 , 黑胡椒碎 , 水 , 美的破壁機(BL1188)




南瓜去皮去籽切大粒 , 薯仔去皮切粒 , 洋蔥去衣切件 , 分別將南瓜 , 薯仔 , 洋蔥放入鑊中用中火炒數分鐘至有香味及少許微焦 , 加入800ml熱水及月桂葉拌勻 , 用中火煮滾後蓋上蓋轉慢火煮30分鐘 , 期間將燒烤大菇切粒















南瓜湯煲30分鐘後盛起月桂葉 , 全部放入破壁機內蓋上蓋按1速約30秒 , 將南瓜打成濃湯 , 將材料倒入煲內 , 加少許鹽及黑胡椒碎調味拌勻 , 用慢火煮至微滾 , 最後鑊中加入菇粒及牛油用慢火拌炒至菇發出香味及軟身拌湯飲即可























材料
南瓜1/2邊 , 薯仔2個 , 洋蔥1個 , 燒烤大菇2個 , 月桂葉2-3片 , 牛油 , 鹽 , 油 , 黑胡椒碎 , 水800ml , 美的破壁機(BL1188)  



做法
1. 南瓜去皮去籽切大粒 , 薯仔去皮切粒 , 洋蔥去衣切件 

2. 分別將南瓜 , 薯仔 , 洋蔥放入鑊中用中火炒數分鐘至有香味及少許微焦

3. 加入800ml熱水及月桂葉拌勻 

4. 用中火煮滾後蓋上蓋轉慢火煮30分鐘 

5. 期間將燒烤大菇切粒

6. 南瓜湯煲30分鐘後盛起月桂葉 , 全部放入破壁機內蓋上蓋按1速約30秒 

7. 將南瓜打成濃湯 

8. 將材料倒入煲內 , 加少許鹽及黑胡椒碎調味拌勻 , 用慢火煮至微滾 

9. 最後鑊中加入菇粒及牛油用慢火拌炒至菇發出香味及軟身拌湯飲即可 




用美的破壁機製作濃湯非常簡單方便又快捷 , 加入大啡菇就更加香呢^^ 









3 則留言:

老行家官燕蘋果玫瑰果醬食譜 ~蘋果果醬麵包卷~

繼續同大家分享老行家品牌官燕果醬禮盒食譜 , 繼續分享蘋果玫瑰果醬 , 之前就用來製作雞扒 , 美味滿分兼袁生相當滿意後 , 今次就用來配上白方包製作甜點 , 用來作下午茶就最適合 , 而且材料同製作亦非常簡單 ......