老行家官燕蘋果玫瑰果醬食譜 ~大醬蘋果果醬煎雞扒~

之前收到老行家品牌送來的官燕果醬禮盒 , 一共有四款 , 包括有柑桔菠蘿果醬 , 雪梨桂花果醬 , 香橙芒果熱情果百里香果醬及蘋果玫瑰果醬 , 其實每款袁太都好喜歡 , 第一款袁太要同大家分享蘋果玫瑰果醬食譜 ......

蘋果玫瑰果醬味道芳香濃郁 , 用來製作甜點或配上肉類烹調都好適合 , 冰箱有雞扒 , 就一於用雞扒製作 , 簡單將雞扒解凍 , 加入韓式麵豉醬 , 蘋果玫瑰果醬 , 蒜粒及其他醃料醃佢一粒鐘 , 放入鑊至半熟 , 再加入蘋果片拌勻蓋上蓋用煎焗方式將雞扒煮至熟透 , 盛起灑上白芝麻就食得 , 絕對快靚正架



麵豉醬的濃味 , 加上果醬的清香 , 兩者好夾 , 而且雞扒嫩滑 , 好好拌飯呢 ^^

材料 : 雞扒 , 蒜頭 , 韓式麵豉醬 , 白芝麻 , 粗鹽 , 紅蘋果 , 胡椒粉 , 老行家官燕蘋果玫瑰果醬

 

雞扒放入大碗內 , 加入粗鹽及水浸過面靜待10分鐘去雪味 , 期間將紅蘋果一半連皮切片 , 一半去皮切粒 , 蒜頭去衣切碎 , 10分鐘後將雞扒用水沖洗乾淨再放回大碗內 , 逐一加入韓式麵豉醬 , 蒜粒 , 蘋果粒 , 胡椒粉及醃料拌勻先靜待10分鐘 , 再加入蘋果玫瑰果醬拌勻靜待一小時

雞扒放入鑊(自煎雞皮) , 用慢火慢慢煎至兩面金黃色 , 加入蘋果片拌勻 , 蓋上蓋用慢火煮至雞扒熟透 , 最後灑上白芝麻即可

 




材料
雞扒1塊 , 蒜頭1/2個 , 韓式麵豉醬1湯匙 , 白芝麻 , 粗鹽 , 紅蘋果1個 , 胡椒粉 , 老行家官燕蘋果玫瑰果醬1湯匙

醃料
生抽 , 糖



做法
1. 雞扒放入大碗內 , 加入粗鹽及水浸過面靜待10分鐘去雪味 

2. 期間將紅蘋果一半連皮切片 , 一半去皮切粒 , 蒜頭去衣切碎 

3. 10分鐘後將雞扒用水沖洗乾淨再放回大碗內 

4. 逐一加入韓式麵豉醬 , 蒜粒 , 蘋果粒 , 胡椒粉及醃料拌勻先靜待10分鐘 

5. 再加入蘋果玫瑰果醬拌勻靜待一小時

6. 雞扒放入鑊(自煎雞皮) , 用慢火慢慢煎至兩面金黃色 

7. 加入蘋果片拌勻 

8. 蓋上蓋用慢火煮至雞扒熟透 , 最後灑上白芝麻即可




味道甜甜濃濃的大醬蘋果果醬煎雞扒話咁快就完成 , 絕對好好拌飯呢 ^^