紅酒燴牛尾

今次第一次整紅酒燴牛尾,
雖然個製成品唔係咁討好,
但味道都ok架!
不過酒味唔夠重,
茄膏落多左少少,
仲有之前切左d煙肉落去一齊炆,
但炆完D煙肉都唔知去左邊,
唔見晒!
不過整體上都好好味!

~紅酒燴牛尾~食譜

材料 : 牛尾-1包 / 煙肉-5條 / 紅蘿蔔-半條 / 茄膏-1小罐 / 紅酒-1-2杯 / 洋蔥-半個 / 蒜頭,乾蔥頭 - 少許

 

1.把煙肉切條後,放入鑊中炒香.
   
2.牛尾先拖一拖水,再煎至半熟後撈起,備用.

3.燒紅鑊,將乾蔥和洋蔥炒香,再下蒜頭爆香.
4.將茄膏,紅蘿蔔,加入鑊中炒香.
5.下紅酒,牛尾,水拌勻,加少許鹽,糖調味.
6.以中小火炆1-1 1/2小時至淋身,即可.

   (要間中開蓋兜一兜,及加水繼續炆煮,以免乾水,而紅酒的份量可隨個人喜好而定).

 

鹹蛋蒸肉餅

呢幾日都遲收工,
番到屋企附近的街市都7點喇,
好多鋪頭都準備收工,
無咩選舉,但又唔想出街食,
咁不如就簡簡單單蒸個鹹蛋肉餅算喇!
不過老公成日話我整的肉餅始終冇餐廳個d整得好食,
唉...有老婆整俾你食咪算好囉!
仲係度嫌三嫌四!



~鹹蛋蒸肉餅~食譜

材料 : 梅頭瘦肉(半肥瘦)-$20 / 鹹蛋-1隻

                      醃料 : 生抽 , 老抽 , 糖 - 適量                     
 

 

1.豬肉剁碎後,加入醃料醃15分鐘.
 
2.再加入鹹蛋白,麻油,生粉,水後不停攪,攪到豬肉有輕身的感覺就ok.
 
3.肉餅臨蒸前係蒸碟上搽少許油,將預備好的肉餅放在碟上,加入鹹蛋黃.
4.用大火隔水蒸20分鐘即可.

中秋節快樂

就快中秋節,係度請大家食個柿喇!中秋節快樂!

BB Photo

好似好耐冇同 BB 影相喇!
不經不覺BB都就快八歲喇!
由3個月大開始養到而家,
日日見住,都唔覺得佢大得咁快,
今日得閒就Post BB的Photo俾大家看看喇!

番茄豬扒意粉(媽咪整)

前日又番屋企食飯喇!
不過得我同媽咪兩個人食,費事煮飯喇!所以媽咪整左我最鐘意的"番茄豬扒意粉",
好味道!仲有熱燉蛋做甜品添!

究竟買邊種味好呢 ?

前幾日經過超級市場,見到男友叫我買的燕麥片特價,
但發現原來有3種味道,死喇!男友冇同我講想飲邊種味喎!
點算呢?唯有打電話俾佢問下喇!唉...番緊工又唔聽電話,唯有我自己決定喇!
就原味喇!因為就算唔飲,我都可以飲!點知個晚同男友講話買左原味燕麥片俾你,
點知佢既答案係~我係想飲朱古力味喎!~唉!又衰左,明天又要去買番盒朱古力味既燕麥片謝罪!