雙妹嚜洗髮水,沐浴露

今日經過淘大,
見到雙妹嚜做緊優惠,有洗髮水,護髮素同埋沐浴露,
優惠做緊$100/4支咋,
唔駛1分鐘,我已經掃左四支洗髮水同埋四支沐浴露喇!
超開心!

好耐冇寫blog喇!

嘩.....原來我大大話話有成7個幾月冇寫blog喇!由今日開始我會抽多d時間寫,
會寫多d食譜同大家分享!

終於結左婚成為袁太喇!

於2010年10月10日(十全十美)的大日子同袁生結束11年的愛情長跑,
成為袁太喇!真係好開心呀!
雖然結婚前已經一齊住,
但感覺都好唔同,可能身份唔同左掛,
成為袁太後要俾以前更加關心袁生的健康同飲食,
要煮多d好野俾袁生嘆,
不過最緊要都係同袁生生番個b,
咁就最prefect喇!

Chocolate Photo@Harbour City

今日同男友經過Harbour City,
見到朱古力裝飾好靚,
好彩我平時都會袋住部相機出街,
如果唔係,
就影唔到咁靚的朱古力喇!
不過全部相都係男友影既,
因為我影相始終都冇男友影得咁靚,
所以都係由佢影會好d!

 

 

紅酒炆牛肋條

上次整左紅酒燴牛尾,
味道都幾好,不過今次就轉整紅酒炆牛肋條!
其實同上次紅酒炆牛尾的做法係一樣,
而今次吸取左上次的經驗,
今次落多少少酒,落少d茄膏,
味道真係好過上次喎!
不過用紅酒炆餸都係偶然食一兩次好喇!
因為我覺得會好燥!







~紅酒炆牛肋條~食譜

材料 :牛肋條-1包 / 紅蘿蔔-半條 / 茄膏-半罐 / 洋蔥-1個 / 紅酒-1 1/2杯 / 蒜頭 , 乾蔥頭 - 少許

 
1.牛肋條先拖一拖水,再煎至半熟後撈起,備用.
2.燒紅鑊,將乾蔥和洋蔥炒香,再下蒜頭爆香.
3.將茄膏,紅蘿蔔,加入鑊中炒香,下紅酒,牛肋條,水拌勻,加少許鹽調味.
4.以中小火炆1-1 1/2小時至淋身,即可.
   (要間中開蓋兜一兜,及加水繼續炆煮,以免乾水,而紅酒份量可隨個人喜好).