蝦米粉絲豆腐卜煮椰菜

記得以前經常食媽咪煮呢個菜,
不過自從搬出黎住之後,
自己一次都冇煮過,
所以當我諗起呢個菜的時候真係好懷念,
今晚一於自己整,
雖然自己煮的菜一定冇媽咪煮得咁好,
不過味道好好,
老公都好滿意!





~蝦米粉絲豆腐卜煮椰菜~食譜

材料 : 椰菜-1個 / 豆腐卜-$4 / 蝦米-1湯匙 / 粉絲-半扎

                      調味料 : 生粉 , 糖 , 生抽 , 麻油 , 水 - 少許                   

 

 

1.蝦米洗淨浸水,蝦米水留用.
2.粉絲浸至軟身,豆腐卜用滾水煮一煮,切半備用.
3.椰菜洗淨切粗絲
4.燒紅鑊,爆香蝦米,再落椰菜炒至軟身(落椰菜後,加少少蝦米水會比較容易炒).
      
5.加少許鹽,雞粉調味,再落粉絲,豆腐卜煮一陣.
6.再加入調味料煮至收汁,即可.