煙肉碎上湯豬柳冬瓜夾

最近天氣越黎越熱,
食冬瓜係最好時機,
今日就選擇整冬瓜夾,初初以為唔難整,
但原來整起上黎都幾麻,
食飯的時間見老公鐘意食,
於是同老公講,
鐘意食就食多d喇!
整呢個餸好麻煩架!
未來的日子都唔會整住,攪到我老公即刻食多幾件,
真攪笑..



~煙肉碎上湯豬柳冬瓜夾~食譜

材料 : 冬瓜-1斤 / 煙肉-4塊 / 豬柳-4塊 / 雞湯-1盒

                      獻汁 : 蠔油 , 雞湯 , 生粉 , 鹽 , 胡椒粉 - 少許
 

 

1.冬瓜去皮,切成厚件後,在每件冬瓜中間界開一刀(不要切到底),備用.
2.鑊內放入雞湯及水,待滾後,放入冬瓜煮至腍身,撈起,備用.
 
3.豬柳切成條,夾在冬瓜中,排在碟上,備用.
 
4.煙肉切碎,落鑊煎香備用.
 
5.獻汁煮滾,淋上冬瓜面,用大火隔水蒸10分鐘.
6.蒸好再放上煙肉碎,即可.