鹹蛋黃蝦膠蒸玉子豆腐

香噴噴的鹹蛋黃拌上清清地的豆腐,
一個字講晒"正",
雖然鹹蛋黃只係用左2隻
,不過膽固醇應該都幾高!
都係偶然煮一次好喇!
不過袁生就好鐘意,可能佢一向鐘意玉子豆腐掛!
同埋我覺得個賣相幾靚,
真係有d唔捨得食!




~鹹蛋黃蝦膠蒸玉子豆腐~食譜

材料 : 玉子豆腐-3條 / 蝦膠-$20 / 鹹蛋黃-2隻
                      醃料 : 鹽 , 胡椒粉 , 麻油 , 生粉 , 蛋白 - 適量
                      獻汁 : 鹹蛋白 , 雞粉 , 水 - 適量
 

 

1.玉子豆腐切件後放少許生粉上面,放上碟備用.
 
2.蝦膠加入醃料後放入雪櫃雪30分鐘.
 
3.將雪好的蝦膠取出,放上已切好的玉子豆腐面.
 
4.鹹蛋黃切粒鋪在蝦膠上,將獻汁淋上蝦膠面.
5.用大火隔水蒸10分鐘,即可.