青瓜芋絲牛肉卷

金菇牛肉卷就整過無數次,
何況袁生唔太鐘意金菇,
咁今次就轉下口味,
用芋絲做餡,
其實芋絲我平時都係打邊爐先會食,
好少會用黎煮餸,
而今次的牛肉卷除左用芋絲外,
另外再加上清新的青瓜絲一齊做餡,
唔知咁既配搭會唔會好怪呢
好期待...







~青瓜芋絲牛肉卷~食譜

材料 : 肥牛-12塊 / 芋絲-12扎 / 青瓜-半條

                      獻汁 : 蠔油 , 老抽 , 生粉 , 水 - 適量
 

 

1.肥牛加入少許鹽,生粉拌勻,放入雪櫃冷藏30分鐘.
2.芋絲解開結,青瓜切絲備用.

3.將芋絲,青瓜絲放在肥牛片上捲成卷,用生粉封口.

4.燒紅鑊,放下青瓜芋絲牛肉卷煎至兩面金黃後,加入獻汁煮至杰身,即可.