木瓜眉豆花生雞腳瘦肉湯

最近成日俾老公話
煲黎煲去都係個幾款湯,好厭喎!真麻!
講真有個老婆成日煲湯俾自己飲,應該開心至真喇!
但成日係度嫌三嫌四,
唉...咁究竟今晚煲咩湯好呢不如煲木瓜喇!
因為之前係街市買左幾個木瓜番屋企,仲有兩個剩低,
咁加埋眉豆花生,雞腳,瘦肉,就可以番去煲啖靚湯俾袁生飲喇!
希望袁生鐘意我今日煲的湯喇!



~木瓜眉豆花生雞腳瘦肉湯~食譜

材料 : 木瓜-2個 / 眉豆 , 花生 - 少許 / 雞腳-4隻 / 瘦肉-$10 / 蜜棗-2粒 / 南北行-少許

做法:

1.眉豆,花生浸水1小時.

2.瘦肉飛水,撈起切件,備用.
3.雞腳剪去腳甲後出水,放入凍水30分鐘,木瓜去皮去籽切大件,備用.

4.煲內放入適量的水,滾後放入蜜棗,南北行,眉豆,花生,瘦肉用大火煲30分鐘.
5.再加入木瓜用大火煲30分鐘後,轉慢火煲約30分鐘,再下雞腳煲30分鐘,下少許鹽調味,即可.