蕃茄冬瓜芫茜蛋花湯

今日又為左煲咩湯而煩惱,見雪櫃仲有少少冬瓜,
但又唔想滾鹹蛋,
又唔想滾花甲,咁冬瓜滾咩湯呢
呀~~不如就滾蕃茄喇!
不過袁太好似未試過用冬瓜蕃茄一齊滾湯喎!
唔知味道會點既呢另外再加埋芫茜,
蛋花一齊滾,咁就完成一碗湯喇!





~蕃茄冬瓜芫茜蛋花湯~食譜

材料 : 冬瓜-約半斤 / 蕃茄-2個 / 芫茜-少許 / 雞蛋-1隻 / 家樂牌鮮魚濃湯寶-1粒


 做法:
 1.冬瓜去皮,洗淨切粒,蕃茄洗淨切件備用.

 2.芫茜洗淨切碎,備用

 3.煲內放入適量的水,待滾後,加入家樂牌鮮魚濃湯寶,加入冬瓜煮至腍身後,加入蕃茄滾20分鐘後再加入芫茜碎,
    蛋液拌勻,加少許鹽調味,即可.