三文魚粒雜豆炒飯

自從上次炒飯獲得老公好評後 ,
今次一於又整炒飯,今次仲加埋三文魚,
大家都知三文魚的益處喇!
簡直大人細路,寵物都食得,所以今次專登炒多d,
我,老公,狗狗BB都食得,不過BB個份炒好後要撈起放涼,
同埋唔可以落鹽,
因為始終狗狗唔可以食咁鹹的食物,
不過今次炒的份量好似多得滯,
2個人加隻狗都食唔晒,要留番明天再食!




~三文魚粒雜豆炒飯~ 食譜

材料 : 冷飯-3碗 / 三文魚腩-2條 / 雞蛋-4隻 / 雜豆-1包                                   

 

 

1.雜豆用滾水煮一煮,撈起備用.
2.三文魚腩切粒後,加入少許鹽,黑胡椒碎,麻油醃10分鐘.

3.燒紅鑊,下冷飯炒乾,炒散後,加入蛋液快速兜勻,待每粒飯都炒至金黃色後,將三文魚粒,雜豆一同回鑊兜勻,最後加
   少許鹽調味,即可.