好耐冇煲雪梨水喇,記得以前煲親雪梨水都係同屋企人去BBQ的時候先會煲,大家知喇,BBQ好熱氣架,梗係要煲番D滋潤飲品飲下 !
但今次袁太又唔係去BBQ,點解會煲黎飲呢 ??? 咪就係因為袁太見呢幾日天氣開始涼涼地,亦都唔知係咪轉天氣的關係,袁太好似有少許唔舒服,除左不停乾咳之外,仲開始流鼻水添,睇黎聽日都係要睇醫生先得,所以未睇醫生前就煲d雪梨水飲下,起碼可以潤下個肺,呢幾日幾本上咳到個肺都爛晒,同埋袁生食咁多煙,飲d雪梨水都好架 !
~雪梨水~
材料:
雪梨 ------ 5個
蜜棗 ------ 3粒
南北杏 ------ 少許
冰糖 ------ 適量
做法:
<1>雪梨去皮,去芯切件放入水中備用。
<2>煲內放入適量水,加入雪梨,蜜棗,南北杏用大火煲45分鐘。
下次試下煲到尾...撈起D雪梨壓蓉...再放番落去...咁飲個時會有少少蓉...仲好味...我個女超鐘意...
回覆刪除[版主回覆10/12/2011 21:02:24]我都應同,係超麻煩...
[MR.MOON回覆10/12/2011 15:01:33]所以...男人...有時真係好麻煩...
[版主回覆10/12/2011 14:54:16]我曾經都試過咁整架!不過袁生唔鍾意飲落去的時候有揸喎!所以之後就冇再咁整喇!