燒汁雜菇爆安格斯牛肉粒

袁生話晚餐想食牛肉粒,
以前會去街市買架,但街市買個d炒出黎會好硬,
袁生話唔好食,
咁袁太就去吉吉島睇下有冇牛肉粒賣先...
點知去到見到有安格斯牛肉粒賣喎,
袁生好鍾意食呢款牛肉架,
雖然一盒唔係好多,
但廿幾蚊又唔係好貴,
最緊要係d牛肉粒係用燒汁醃過架,
炒出黎一定好好味,
再去街市買少少菇就可以喇!
呀~~仲有袁太鍾意的四季豆墊底添,
呢碟無論賣相,味道都好好,
袁生好鍾意食!
仲叫袁太下次再整過添!



~燒汁雜菇爆安格斯牛肉粒~食譜

材料 : 燒汁安格斯牛肉粒-1包 / 本菇-1包 / 雞脾菇-1條 / 四季豆-6條

                      

 

1.本菇洗淨,雞脾菇洗淨切片備用.
 
2.將燒汁安格斯牛肉粒同本菇,雞脾菇拌勻.

3.四季豆切條後,燒紅鑊,將四季豆落鑊炒一炒,下少許雞粉,鹽調味,待四季豆熟透後,撈起放上碟.
 
4.再燒紅鑊,安格斯牛肉粒落鑊炒至半熟撈起備用.
5.本菇,雞脾菇落鑊炒至熟透後,將安格斯牛肉粒回鑊一同兜勻,盛起放在四季豆上,即可.