今日煮左個清清地的湯,
平時買節瓜煮湯只會用鹹蛋一齊煮,
其實飲飲下
都幾悶架,所以今次就轉下口味,
用甘旬,蜆肉一齊煮,
本來諗住買花甲架,
但好奇怪,行晒成個街市
居然一檔都冇花甲賣,平時唔買就成堆係度,
想買就一隻都冇,
唉...所以唯有轉用蜆肉喇,
我諗味道都差唔多姐,
不過最緊要唔知袁生
鐘唔鐘意飲!
其實煮呢d湯真係好方便,
唔駛半個鐘已經攪掂喇,
d甘旬放涼後仲可以俾bb食添
!呢個湯袁太就覺得好好味,
唔知袁生覺得點呢?
好彩袁生都好滿意,
話個湯清清地
,好啱佢飲喎! 
~節瓜甘旬蜆肉湯~食譜
材料 : 節瓜-2個 / 甘旬-1條 / 蜆肉-半斤 / 家樂牌鮮魚濃湯寶-1粒做法:
1.節瓜去皮,洗淨切粒
備用.
2.煲內放入適量的水,待滾後,加入家樂牌鮮魚濃湯寶.
3.放入節瓜,甘旬煮至腍身後,加入蜆肉煮約10分鐘,加少許鹽調味,即可
.
備用.2.煲內放入適量的水,待滾後,加入家樂牌鮮魚濃湯寶.
3.放入節瓜,甘旬煮至腍身後,加入蜆肉煮約10分鐘,加少許鹽調味,即可
.
呢個配搭好好, 顏色又靚, 等我遲d試下先~
回覆刪除[版主回覆01/07/2012 17:40:20]係呀!紅紅綠綠咁,幾好味,幾清架!你得閒都試下喇!
蜆肉係急凍還是新鮮???急凍我用親都整到好腥...通常我用黎煮意粉...
回覆刪除[版主回覆01/09/2012 18:17:45]我都係買急凍,但我個d真係冇腥味喎!
[MR.MOON回覆01/09/2012 12:05:45]就係急凍囉...所以我問你有冇腥味...
[版主回覆01/09/2012 10:44:20]咁奇怪!你買新鮮定急凍?
[MR.MOON回覆01/09/2012 08:28:41]真係唔知點解...我就覺得好腥...我冇特別處理...
[版主回覆01/07/2012 17:39:37]係急凍架,我只係買番黎解凍後洗乾淨再用水浸一陣,就放落個煲到煮喇,但唔覺得腥喎,連袁生咁麻煩的人都話d蜆肉幾好味!
可以試下用螺片, 一樣好味~~
回覆刪除[版主回覆01/09/2012 10:44:55]骨膠原,我鐘意!
[寧靜中的不寧靜回覆01/09/2012 07:20:59]係呀!!! 仲營養豐富, 又有骨膠原.....女士最愛~~哈
[版主回覆01/08/2012 12:07:20]嘩...又雞腳,又螺片,未煲都知一定好好味,等我拿拿臨試下煲先!
[寧靜中的不寧靜回覆01/08/2012 08:03:38]係呀, 果d海味乾貨呢, 不過我唔記得我媽媽係浸暖水, 冷水定係開水.....我既combination係 節瓜, 甘筍, 螺片, 雞腳 + 瘦肉~ 超鮮甜!!! 大家交流一下嘛~ 通常我係食果個......
[版主回覆01/07/2012 17:37:40]螺片???好似幾好喎,等我下次試下先!多謝你的分享!