巴東牛肉

第二次整巴東牛肉"終於成功"

由於奶奶係印尼華橋的關係

所以好多時食飯都會去印尼餐廳食野

而巴東牛肉係指定要叫

原因好簡單,因為奶奶鍾意食

不過我都覺得好好味

所以就決定自己整

記得之前整過一次

個巴東牛肉醬就係東南亞材料鋪買既

但整出黎就超辣

同餐廳個d完全係兩回事

所以今次就選擇係超市買醬包

經過一個小時炆煮就完成

今次反而好好味

有少少辣,好香椰汁味

一個字"正"

不過今次用牛展炆,袁生話少少硬

咁下次係咪應該用牛腩炆會好d呢



~巴東牛肉~

材料:

牛展-1條/巴東醬-1包/乾蔥,洋蔥-適量/椰漿(細)-1盒/水-適量

做法:
<1>
牛展飛水後切件,乾蔥頭,洋蔥切粒.

<2>

燒紅鑊,爆香蔥頭,洋蔥後加入巴東醬,牛展拌勻.

<3>

加入椰汁,水蓋上蓋用慢火煮30分鐘.

<4>

打開蓋繼續以慢火煮20分鐘或至收汁為止即可.

BB睡覺連環圖

其實係咪好多狗狗都喜愛這樣睡覺呢 ???


我家BB平時好鬼鐘意咁訓覺，有時真係驚佢會整親

但叫佢唔好咁訓，佢就越唔聽

不過另一方面又覺得好得意，好鬼可愛呢 !

乜我好肥咩???

今日行去搭地鐵的時候發生既...

今日行行下俾個呀"嬋"撞到
明明係佢撞到我
反而俾佢鬧翻轉頭
鬧我係肥婆,仲話咁肥就唔好出街喇

...乜我好肥咩???
我都唔知做錯d咩
俾人撞仲要俾人鬧,真係無天理
呢個都唔知係咩世界囉!

忍唔到手情況下買左兩包

最鍾意的無印棉花糖

袁太而家一路都有keep住睇中醫

每次睇中醫的時候

醫師都會叫袁太唔好飲凍野,唔好食甜野,涼野

但實在真係忍得好辛苦

~救命呀~

今日袁太放假本來係屋企訓下休息下

點知袁生今朝唔記得帶某樣野番工

所以就叫我拎去太古俾佢

當袁太完成任務行去地鐵站的時候

經過無印

就好自然行左入去

第一時間梗係睇零食個邊喇

發現有我最鍾意的棉花糖

但我而家唔可以食甜野喎

但真係好耐冇食過

偶然食一次應該唔會有咩問題掛

所以就買左兩包番屋企

不過真係好甜,但好好味!

韓式牛肉炒粉絲

又繼續post韓式食物

個晚的韓式晚餐
除左炒年糕外,仲有炒粉絲
其實講真袁太真係一次都未食過炒粉絲
都唔知個味道係點
淨係知袁生鍾意,所以就去煮
當買完材料番屋企之後
就即刻上網search下個做法
原來整炒粉絲係一d都唔難
可以話係幾容易
不過始終都係第一次整
都唔期望會等到任何讚賞
但到晚餐的時候
袁生食第一口之後就話"幾好味喎"
~oh~really???
不過就話雖然味道唔錯
但牛肉就有少少硬
我諗袁太係炒牛肉呢方面真係要有待改善
唔知點解成日炒牛肉都會偏硬!

~韓式牛肉炒粉絲~




材料:
韓式乾粉絲-半包/牛肉片-$15/椰菜-半個/芝麻-少許/蒜頭-適量

醃料:
生抽,麻油,酒,黑椒碎-少許

調味料:
蠔油,上湯,鹽,魚露-少許


做法:
<1>
韓式乾粉絲飛水,芝麻用乾鑊炒香盛起備用.

<2>
牛肉加入醃料醃15分鐘,椰菜切絲,蒜頭剁成蓉.

<3>
燒紅鑊,爆香蒜蓉後加入椰菜絲,牛肉片兜勻熟透盛起.

<4>
將粉絲落鑊加入調味料拌勻,煮至收汁後再將做法<3>的材料回鑊兜勻,上碟後加少許麻油及撒上芝麻即可.

又去尖沙咀買野

又去尖沙咀"韓國街"買野

星期五的時候去尖沙咀做完野
又未夠時間去下一到地方
就係尖沙咀周圍行下
個時咁啱袁生打黎問我係邊
我話係尖沙咀做完野,而家周圍逛下
點知袁生話不如晚餐食韓國料理
ok,冇問題
咁我而家去韓國街睇下有咩材料買
我知袁生鍾意食炒粉絲同埋炒年糕
一於整呢兩樣做晚餐喇
買好晚餐材料後
梗係要去新世界韓國食品專門店買零食喇
不過今次買左唔係好多
等我下次再去掃貨先得!

我至愛的洋蔥圈

蔬菜餅乾,唔知好唔好食既呢???

魚形狀的紅豆雲呢拿雪糕

袁生至愛的雞泡魚乾