點解得兩個糯米糍其實袁太本來整左六舊架
仲整左成個下午添
諗住
等袁生放工番到屋企俾佢試下就咁放左係飯枱
當袁生回家後
見到有糯米糍就係咁食
因袁太係廚房,所以唔知袁生食緊
當我諗住同袁生講有野食
點知發覺...
袁生原來已經食左四舊喇
大鑊~~我仲未影相架
唉...雖然個碟到得番兩舊
但都要影
低佢不過袁太都好
,點解???因為見袁生一口氣食咁多
咁即係好好味喇
不過剩番個兩舊係我既
袁生唔準再食!
~花生芝麻糯米糍~材料:(粉糰)糯米粉-160g/粘米粉-10g/糖-40g/椰汁-100g/水-80g
(餡料)花生-50g/芝麻-2湯匙/糖-少許
(面層)粟粉-適量
做法:
<1>
糯米粉,粘米粉過篩備用.
<2>
椰汁,糖,水煮滾後,加入粉類拌勻
至完全沒有粉粒.<3>
花生剁碎
後加入芝麻,糖拌勻炒香成餡料備用.<4>
將做法<2>的粉糰隔水蒸約20分鐘,取出待涼.
<5>
放涼後切割數份包入餡料
,將包好的糯米糍外層沾上粟粉即可
.
呢個份量係做6個定20個呀?
回覆刪除[版主回覆03/22/2012 22:17:29]因為呢個糯米糍比較大,所以我整左6個!
花生芝麻....係絕配~~~~一定好好味.......我又要~哈
回覆刪除[寧靜中的不寧靜回覆03/26/2012 07:20:20]最煩既係食完之後要了牙.....了到尤之何, 了唔到就火都黎埋.....哈哈哈
[版主回覆03/25/2012 13:51:34]袁生又係唔鍾意椰絲黐牙的感覺!
[寧靜中的不寧靜回覆03/25/2012 07:10:04]或者可以咁講, 只要凡係有食物加左椰絲既, 我都唔愛.....因為食起黎太麻煩......d椰絲會卡0係d形度...唔舒服
[版主回覆03/24/2012 12:00:39]DHL都好喎,袁生又係唔鍾意椰絲,不過我都唔係咁鍾意!
[寧靜中的不寧靜回覆03/24/2012 07:32:21]哈哈哈~ DHL好d~ 千祈唔好加椰絲.....我寧x都唔食....呵呵
[版主回覆03/23/2012 15:23:05]花生+芝麻真係好夾,好味道,你俾個地址我,我寄俾你,哈...哈...
嘩...咁一定好好食啦...
回覆刪除[版主回覆03/23/2012 15:21:56]真係好好食,下次得閒再整過!
好軟糯咁bo
回覆刪除[版主回覆03/23/2012 15:21:37]係呀!好軟,好好味架!
唔落椰汁可以嗎？
回覆刪除