同媽咪一齊整冰糖鮮奶燉蛋...
昨晚袁生朋友仔結婚要去飲
袁太得一個人
就放工番娘家同媽咪食飯
由於袁生唔係燉蛋,而媽咪整的燉蛋
係超好味
所以放工前就打俾媽咪
話想食燉蛋
之後就兩母女輪流一齊整
到食完飯的時候
~好~燉蛋作戰開始喇
初時係媽咪負責整
袁太梗係係旁邊影低
個步驟喇
冇辦法,慣左
到中斷隔泡的程序就由袁太負責
話咁快鮮奶燉蛋就攪掂
又香,又滑,又好味
始終媽咪整的係最好
!
昨晚袁生朋友仔結婚要去飲
袁太得一個人
就放工番娘家同媽咪食飯
由於袁生唔係燉蛋,而媽咪整的燉蛋
係超好味所以放工前就打俾媽咪
話想食燉蛋之後就兩母女輪流一齊整
到食完飯的時候
~好~燉蛋作戰開始喇
初時係媽咪負責整
袁太梗係係旁邊影低
個步驟喇冇辦法,慣左
到中斷隔泡的程序就由袁太負責
話咁快鮮奶燉蛋就攪掂
又香,又滑,又好味
始終媽咪整的係最好
!
~冰糖鮮奶燉蛋~材料:
雞蛋-3隻/樽裝鮮奶-1支/冰糖,水-適量做法:
<1>
煲滾水後加入冰糖煮溶待涼備用.
<2>
雞蛋打發後加入鮮奶拌勻,再加入冰糖拌勻.
<3>
用隔篩將做法<2>的材料過濾到另一個大碗內,再過濾多一次放入3碗中,每碗蓋上保鮮紙.
將3碗燉蛋放入加入水的鑊裡,用中火蒸約10-15分鐘即可.
袁生真係唔識食...
回覆刪除[MR.MOON回覆04/02/2012 21:42:43]只要佢肯食...麻煩少少冇問題啦...凍可能透心涼啦...
[版主回覆04/02/2012 20:50:27]咁每次整咪好麻煩,係咪每個男人都鍾意食凍既呢,袁生食糖水或甜品一定要食凍,熱既佢唔食!
[MR.MOON回覆04/01/2012 23:45:46]當然熱食啦...不過我分兩次燉...一老公凍食...二小女早食...我就鍾意攪掂家務...坐低慢慢嘆...所以通常攤暖...暖食多...
[版主回覆04/01/2012 22:58:20]咁你呢,燉蛋你又鍾意熱定凍呀?
[MR.MOON回覆04/01/2012 22:47:34]我未試過...不過應該可以...糖水舖都係咁...
[版主回覆04/01/2012 22:24:43]我都想知,因為呢個問題媽咪尋日都問過我!
[MR.MOON回覆04/01/2012 22:17:21]唔雪凍...到食個時整熱得唔得呀???
[版主回覆04/01/2012 22:09:23]咁又係，不過我食燉蛋凈係食熱，唔係咁鐘意食凍！
[MR.MOON回覆04/01/2012 21:39:06]偶然一次半次冇所謂啦...鍾意食就唔計較添...
[版主回覆04/01/2012 21:22:34]嘩...咁咪肥死，不過燉蛋咁好味，都唔明點解袁生會唔鍾意！
[MR.MOON回覆04/01/2012 21:02:47]其實佢唔食...你自己整自己食啦...放假朝整做早餐下午食另一碗...
[版主回覆04/01/2012 20:28:07]就係因為袁生唔係度，所以我番娘家食飯先叫媽咪整，平時係屋企唔會整架，因為袁生超唔愛燉蛋！
其實計番呢度甜品唔係肥呀, 鮮奶同蛋, 有益, 冰糖唔係落太多就冇問題啦~ 整左一次, 可以留番碗做早餐都仲可以~~~~~
回覆刪除[寧靜中的不寧靜回覆04/03/2012 07:35:18]細細樽, 玻璃樽果d??? 份量唔多喎.....除左可以整3碗, 又唔係一次過食哂, 一次半次係可以架~不過可以試下semi-skimmed milk! 你地用邊度牌子架? 我個人愛十宇牌多d.....幾濃~
[版主回覆04/02/2012 20:48:26]但唔係用低脂奶,係用全脂奶喎,因為媽咪話用全脂奶香好多,所以都有少少肥架!
系晤系一定樽裝鮮奶???超市個一盒裝可以嗎???
回覆刪除[版主回覆04/26/2012 20:02:31]可以...只不過媽咪話樽裝奶會香d!
係唔係普通屋子個一盒鮮奶，2盒等於一樽奶??整完可唔可以放入雪櫃雪???
回覆刪除[版主回覆06/21/2012 21:04:16]我用維記個隻樽裝奶,如果盒裝奶都係用一盒得喇,整完梗係可以放雪櫃喇,不過我都係鐘意熱食多d!
點解我蒸出來系稀既,好像水蛋甘既,無你蒸個既實既?????????????
回覆刪除[版主回覆06/21/2012 21:05:45]應該係蒸的時間唔夠,所以仲係水汪汪咁!
袁太,救救我亞,我晤知點解都系整晤到實既???我用3只蛋,一碗(普通食飯個的碗)奶,一碗糖水,蒸半個鐘,但系都系晤實既????我晤知邊度出左問題?????
回覆刪除[版主回覆07/02/2012 20:42:59]我蒸15分鍾都凝固到喎,但以你講個步驟應該冇問題架,你蒸個時有冇加蒸架???我見媽咪就咁將3碗未蒸既燉蛋放入加左水的鑊裡面加蓋一齊蒸,冇用蒸架,唔知關唔關事呢!
可能亞,我有用蒸架隔開的水蒸@@好的,我試下晤用先,謝謝你
回覆刪除[版主回覆07/03/2012 17:21:09]唔駛客氣,有咩問題再留言俾我喇!
睇落好好味呀!! 想請問冰糖水需要幾多? 一碗?? 鮮奶不需加熱嗎?
回覆刪除[版主回覆07/25/2012 15:18:57]水份量大約2碗,落左3粒中size的冰糖,因為我唔鐘意食咁甜,鮮奶唔需要加熱架,就咁倒落去同雞蛋拌勻就可以!