平時如果想飲豆漿多數都會係超市買
但袁太覺得出面買已經寫住低糖的豆漿都好甜，所以就決定自己整
其實以前都自己整過，不過係好多年前喇，而今次整的原因都係整俾袁生飲
因為袁生每朝番工前都會飲杯奶先出面口，但前幾日突然叫袁太買豆漿朝早飲喎
與其出去買，咁不如自己整，起碼無防腐劑，都健康d喇，同埋可以控制甜度
材料只需要一包黃豆就可以，仲可以整到好多杯添 ! 就算飲豆漿
袁生袁太都好唔同，袁生只係飲凍豆漿，袁太就飲熱豆漿
雖然袁生話過唔好整咁淡，但袁太都盡量落少d冰糖，飲咁甜做咩喎 !
自家製少甜凍/熱豆漿
材料 : 黃豆<1包>，冰糖<適量>，魚袋<1個>
做法 :
1. 黃豆洗淨加水浸6小時
2. 將浸好的黃豆及水放入攪拌機內打爛
3. 將打爛的材料放入魚袋隔去豆渣，豆渣再加水攪勻後，放入魚袋再隔渣，重複此步驟4-5次
4. 將隔去渣的豆漿煮滾即可
5. 如整凍豆漿，將煮滾的豆漿加少許冰糖，待涼後放入雪櫃即可
我都好少飲熱既, 凍冰冰既好好飲架~~~~
回覆刪除而家既低糖, 未必係架, 例如普通版既係用15G糖, 而家用14G糖, 佢都叫可以叫自己做低糖....
睇到一半, 我仲以為你用豆漿機整添~
[版主回覆07/17/2012 15:53:38]咁我得閒都要留意下呢d報告,電視先得喇!
[寧靜中的不寧靜回覆07/17/2012 06:58:40]消委會每月既報告呀, 都市閒情呀....我都好鍾意睇~
可能近排報紙愛爆大镬, 好少講呢D~
[版主回覆07/16/2012 14:44:11]我都成日睇報紙喎,點解我唔知咁多野既???
[寧靜中的不寧靜回覆07/16/2012 07:32:39]哈哈, 只係舉例...~不過睇報紙多, 知少少啦~
[版主回覆07/15/2012 12:53:25]我淨係飲熱架,嘩...妳咁清楚糖份的份量既,冇呀,屋企咩機都冇架!