其中一段會去人家屋企，睇睇雪櫃有咩食剩的食物
唔好浪費，幫手清清佢
所以袁太就搵日都試下睇下雪櫃有咩冷飯菜汁
一於消滅埋雪櫃的餘貨
發現雪櫃有之前食剩的墨魚滑，有硬豆腐同蔥
一於就用呢幾樣材料整一碟小菜出來
大家估唔估到我會整咩呢 ???
袁太平時就冇咩點用腦，所以就簡簡單單整個煎釀豆腐
雖然話好簡單，但都要將豆腐焗完再煎
但味道真係唔錯，不過唔知係咪墨魚滑放左係雪櫃的關係
有少許鹹添，但連同豆腐一齊食，味道就啱啱好喇
用雪櫃術餘物資就煮到一道小菜
又可以清下雪櫃，又可以慳錢唔晒買餸，一舉幾得"爽"
墨魚滑煎釀豆腐
材料 : 硬豆腐<2磚>，墨魚滑<約$15>
獻汁 : 蔥粒，蠔油，糖，麻油，生粉，生抽，水<適量>
做法 :
1. 墨魚滑用少許雞粉攪至起膠備用
2. 硬豆腐沖洗後用廚房紙抹乾水份
3. 切成三角形後，樸上生粉及用胡椒粉，鹽調味
4. 碟中搽少許油，將豆腐放上
5. 放入焗爐用200C焗10分鐘，再將豆腐反轉焗10分鐘至表面金黃即可取出待涼
6. 將豆腐其中一面搽上墨魚滑
7. 燒紅鑊，先煎有墨魚滑個面，待熟透後，反轉略煎豆腐個面，盛起放上碟備用
8. 最後將獻汁放入鑊中煮滾，淋在豆腐上即可
豆腐可以擺入焗爐架? 不過望起黎又幾甘香, 好脆卜卜喎~因為抽走左豆腐既水份?
回覆刪除我而家日日都追睇架, 都係最愛睇剩菜果個環節~ 琴日果集薯仔芝士豬扒餅, 好正呀~
[版主回覆01/26/2013 22:40:44]我鐘意睇肥媽係因為佢煮的食物,一般家庭主婦都可以整到,唔會話太複雜!
[寧靜中的不寧靜回覆01/26/2013 06:41:45]因為可以將剩菜變成新菜就好似魔法一樣, 而且肥媽煮得簡單, 仲不時有小TIPS~!
[版主回覆01/25/2013 15:41:04]豆腐焗到脆脆地,硬硬地,唔錯架,原來妳都有睇架,估唔到同我一樣,都係鐘意睇剩菜果個環節!
呢個岩我全家食...兩樣我都好LIKE...
回覆刪除[版主回覆01/25/2013 15:44:24]咁妳快D整黎嘆下喇!
好得意, 原來豆腐可以就咁焗都會變金黃香脆^^
回覆刪除[版主回覆01/26/2013 23:18:24]我絕對同意
[車厘包回覆01/26/2013 22:44:11]老公鍾意食乜, 整乜都特別有心機啦^^
[版主回覆01/26/2013 22:42:35]其實我初時都驚焗完之後,唔知會變成點,但出奇地好好味,脆脆地咁,我相信下次一定會再整過,因為老公鐘意!