2013年11月17日 星期日

七味椒鹽豆腐 <附食譜>



















。哈。 今晚又來椒鹽食譜,最近真係好喜愛整炸物做晚餐,一來香口,二來唔會太飽肚,不過最主要原因係因為袁生常常扭計要食炸蒜,所以整炸物就最好不過了,今次除左用椒鹽外,仲加左一樣材料 "七味粉"

我同袁生好喜愛七味粉的味道,灑少少已經好香,而今次椒鹽主角"豆腐",其實同上次椒鹽九肚魚做法一樣,只不過係換上豆腐



材料 : 布包豆腐3磚,生粉,椒鹽,七味粉(拍上魚身用)


椒鹽材料有~蒜頭,蔥,紅椒,鹽,糖,椒鹽,七味粉~ 將蒜頭切細粒,放入鑊中炸至金黃,蔥,紅椒切粒,將所有材料拌勻就可以


做法 : 
1. 豆腐洗淨切件抹乾水份,輕輕薄上粉 (生粉 + 椒鹽 + 七味粉拌勻)

2. 燒紅鑊,下油至可浸過豆腐面,待油燒滾,放豆腐試試油溫,油溫合適就可放所有豆腐件

3. 炸約1分鐘後,用鑊鏟輕輕將鑊內的豆腐分開,再炸至金黃色熄火,倒出隔去油份

4. 將椒鹽所有材料落鑊爆香,將豆腐回鑊快炒拌勻,再灑上少許椒鹽及七味粉即可




袁太提提大家
豆腐比較容易出水,所以一定要印乾水份先好落鑊炸,炸到金黃色便可以了



9 則留言:

  1. 在家都可炸得咁靚,好犀利!

    回覆刪除
  2. 係呀, 真係要印乾D水.....;如果唔係一炸既時候...D油彈哂上黎..

    回覆刪除
  3. 炸得好靚呀!食炸嘢多小心熱氣呀!

    回覆刪除
    回覆
    1. 我都知會好熱氣既,但咁香口的炸物真係好難忍口喎

      刪除
    2. 炸物真係好吸引,我都啱啱整咗炸魚!唯有食完煲返 D 清熱㗎嘢啦!

      刪除
    3. 炸魚我喜愛呀,用咩魚炸 ?

      刪除
    4. 我用咗雪藏㗎 cod filet.

      刪除

老行家官燕蘋果玫瑰果醬食譜 ~蘋果果醬麵包卷~

繼續同大家分享老行家品牌官燕果醬禮盒食譜 , 繼續分享蘋果玫瑰果醬 , 之前就用來製作雞扒 , 美味滿分兼袁生相當滿意後 , 今次就用來配上白方包製作甜點 , 用來作下午茶就最適合 , 而且材料同製作亦非常簡單 ......